- holychurch@gmail.com
Kum 1993 hmalamah kha chuan lehkhazirna lamah thlante hi kan la hnufual ve leh chhawng em em a. Tun dinhmun nena khaikhin chuan la hnufual tak kan ni. Kan phaina lai hi hriain, Kohhran Thianghlim Publication Board chuan kum 1993 atang khan zirlai naupang - Nursery atanga Post to Graduate, Doctorate Degree thlenga anmahni pawla ti tha leh hlawhtlingte hnenah kumtin Jerusalem Khawmpuiah lawmman a sem tan ta a. Central Youth Evangelical Front hnuaia peng pakhat Education Wing kutah kum 2001 atang khan zirlai naupang ti thate hnena lawmman semna hna hi pa pek niin, an ni hian vawiin ni thlengin lawmman hi an la sem ta zel ani. Naupang leh thalai lehkhazir tawh lo, an kalna awm kawng leh an hnathawh theih zawng inkawhhmuhna te pawh nei tel zelin, huang an zauh tial tial a. An hmalakna ropui tak avang hian thlante zingah lehkhathiam sang tak tak leh hnathawhna lama mi hlawhtling tak tak an awm ve ta nuk mai a. An hnathawh hi Lalpa leh a kohhran tan malsawmna ropui tak ani.
Naupang lawmman sem hian zirlaite zingah tanlakna nasa tak a siam a, kum tluana an hlo thlawhna ah phurna, thathona, rual elna leh taimakna thlenin, mahni pawla ti tha lo bik nih hlauvin, lawmman lak ngei tumin zirlaite an phu ta suau suau mai a. Hei hian rah tha tak mai, hlawhtlinna a siam sak ta zel ani.
Kum 1993 atanga chhutin, kum tin maiin naupang lawmman la thei an pung ta zel a. Kum 2001 atanga lawmman la thei tehna fung an siam chu :
1) Board Exam-a First Division chin
2) Mahni pawla 1 atanga 3-na
3) Mahni pawla First Division a tling chin
tihte hi criteria an siam chu ani. Hun lo kal zelah zirlai naupang lawmman la thei an pung zel a, inelna alo sang zel a, English medium a kal an tam tial tial bawk a. School hran hranah report card a result an siam dan alo inang lo a, criteria siam pawh a khirhkhan tial tial ani. Za a sawmsarih panga hmu chin school thenkhatah Distinction an nih laiin, a thenah chuan za a Sawmriat hmu chin chauhte Distinction an ni thung a. Hei hian inkhairual taka lawmman pek pawh a tihar thin viau reng ani.
Kum 2007 ah khan Education Wing chuan lawmman la thei criteria a siam tha leh a, a hnuaia mi ang hian :
1) Board Exam-a First Division chin
2) Mahni pawla 1 – 3-na
3) Mahni pawla Distinction a tling chin
4) Cl-VIII, IX leh XI a top 10 a pass chin
5) Graduate leh Post-Graduate (Arts, Science leh Commerce) First Division chin
Kum 2007 Jerusalem Khawmpui atang hian mimal inelna bakah a pumpui lawmman la thei criteria hi siam tan ani ta a, a hnuaia mi ang hian :
A PUMPUI LAWMMAN LA THEI TUR CRITERIA
1.Population Wise
Primary Section-ah zirlai naupang
1 – 10 = 5 Marks
10-20 = 10 Marks
21-30 = 15 Marks
31-40 = 20 Marks
41-Above= 25 Marks
Middle section
1- 10 = 10 Marks
11-20 = 15 Marks
21-30 = 20 Marks
31-Above = 25 Marks
High School Section
1- 10 = 15 Marks
11-20 = 20 Marks
21-Above= 25 Marks
Higher and above section
1- 10 = 20 Marks
11-Above= 25 Marks
2.Pass percentage :- (50 Marks)
Pakhatna = 25 Marks
Pahnihna = 20 Marks
Pathumna= 15 Marks
3.Lawmman dawng percentage:-(50 Marks)
Pakhatna/Full Marks=50Marks
Pahnihna = 30 Marks
Pathumna= 10 Marks
4.Progressive (Nikum aia hma an sawmna tehna) :- Hei hi a chung a, kan tarlan tak (a pumpui) a, mark inzat an awm chauhin, a thelh nana hman tur ani.
5.Authority Khing a chunga kan sawi tak atanga teha Mark inang emaw harsatna dang a awm anih chuan, Education Wing emergency committee thuneihna in lawmman dawng turte criteria siam belh theih a ni.
Tichuan kum 2013 a tehna fung chu :
1.Nursery - Class IV :
a) A+ Grade emaw, 95% chin chunglam hmute chuan lawmman an la thei ang.
b) Eng division/grade pawh ni se, pakhatna atanga pathumnate chuan lawmman an la thei ang.
2. Class V - Class VIII :
a) A grade emaw 90% chin chunglam hmute chuan lawmman an la thei ang.
b) Eng division/grade pawh ni se, pakhatna atanga pathumna te chuan lawmman an la thei ang.
A chunga tehna fung hrang hrang hmang khian naupang lawman hi sem thin ani a. Kum 2012 thleng khan naupang lawmman hi Jerusalem Khawmpui ah sem thin ani a. Naupang lawman la thei an tam chhoh tak em avangin, kum 2013 atang hian Division huamchhunga naupangte hnenah division khawmpuiah sem tan ani ta a. Aizawl ami bikte hnenah Jerusalem Naupang khawmpuiah sem ani leh dawn ta ani.