• holychurch@gmail.com

Kohhran Thianghlim (Non Denominational)

DINTU: Thlarau Thianghlim. Thlarau Thianghlimin Dr. L.B. Sailo (Dr. Lalbiakmawia Sailo) kaltlanga a din a ni.

DIN KUM: 1984

DINHMUN: Mihring finna leh remhriatna hmanga, roreltu turte thlanga pawl din (Denominational Church) a ni lova. Kohhran Thianghlim chu mahni hun theuh zela kan thawh hmahruaitu, mitthi zing ata piang hmasa ber KRISTA, thihna hneh zova a thawhleh ruala din ; a dintu pawh mihring nilo, Pathian Thlarau Thianghlim a ni.

MEMBER: Mihringhlui thihsana, Krista thawhleh ruala nunna thara kaihthawh, Thlarau Thianghlim neitute.

MEMBER ZAT: Member zat chhinchhiahna register a awm ve lova, fatir vana hming chuang zat chiah a ni (Heb. 12 : 23).


RAWNGBAWLNA LAM

RAWNGBAWLTU: Rawngbawltu bik an awm lova, Bible sawi angin mi zawng zawng hi rawngbawltu Puithiam vek an ni zawk (I Pet. 2:9, Thup. 5:9,10).

INDONA THIANGHLIM: Sual laka in venpuina leh Thlarau Thianghlim lalna a nih reng theih nan, tisa indona nilo, indona thianghlim a awm reng bawk. Kohhran dangah a awm ve thei lo (II Kor. 10:4).

INKHAWMPUI

Kum khatah a pumpui huapin inkhawmpui a awm thin a, JERUSALEM KHAWMPUI tih a ni. Kum tin December 25 – 28 ah neih thin a ni.

Division pualin kum tin DIVISION MEET a awm thin. A hun tur hi Executive Committee in periodical calendar ti chhuakin, chumi zul zuia hman thin a ni.

Jerusalem Khawmpui leh Division Meet ah hian rorelna a awm ve ngai lova, spiritual convention anga FELLOWSHIP hlira hman a ni.

Rorelna reng reng chu Executive Committee leh Division Committee ah vek hman a ni.

location
Aizawl, Mizoram
Closing Time
sun - 05:00pm
Phone Number
0389-230007