H.C.L. THANGLIANA

(15 April 1932 – 26 March 2015)

            Pu H.C.L. Thangliana hi Kum 1932 April 15-ah Lamchhip khuaah alo piang a. A pa hi Zavela niin a nu hi Hrangthangvungi ani a, an unau hi pasarih an ni. Chungte chu:-

1)         Thantluangi (L) w/o Thanzuala (L)           5)        Romawii (L) w/o Khawhluna

2)         Zaneihkima (L)                                              6)        Sanghnuni w/o Lalzinga

3)         Zakamlova h/o Lalzami (L)                      7)         Lalchhuana h/o Laltanpuii

4)         HCL Thangliana h/o Hrangtawni

 

            Kum 1955 May 25-ah Phulpui khuaah Hrangtawni nen an innei a, fa  paruk an nei a, mipa pali leh hmeichhia pahnih an ni. Tunah hi tu 16 a nei tawh bawk. A fate hi :-

1)         H.C. Lalchansanga h/o Lalropuii              4)        H.C. Lalmuanawma h/o                                                                                                                C.Zonunthari

2)         H.C. Zothanpari  w/o Zarzoliana               5)        H.C. Lalhriattiri w/o Sangzuala

3)         H.C. Lalthanzawna h/o Lalmalsawmi     6)         H.C. Lallawmkima

 

ZIRNA LAM:  Kum 1944-ah Lamchhip atangin Lower Primary, Pawl III (Scholarship) a pass a. Kum 1947-ah Zirtirtu Pu Seletthanga hnenah awmin Pawl VI (Scholarship) a zo leh ani.

 

EIZAWNNA LAM: Kum 1948, 1950 leh 1952-ah te hlo a thlo a. Kum 1953 April thla atangin Thiak Primary School-ah zirtirtu hna a thawk a. Kum 1957 April 15-ah Lamchhip Govt. School-ah transfer ani a, hmun hrang hrang-Maubawk, Khatla ahte a awm kual hnuin, kum 1997 June 13-ah Melthum Primary School Head Teacher anih laiin a Pension ta a ni. Kum 42 chhûng zet sawkar hna a thawk anih chu.

 

 NUN KAWNG: Kum 1952, June thla tawp lam atangin damlohna a nei chho ta a. A taksa a khur hlek hlek thin a, a mangan em avangin Lalpa hnenah thih te pawh a dil thin a ni. Mak tak maiin tihdama a awm tur thu leh tisa leh thlaraua a nun kawng turte pawh zawlnei hmanga hrilh lâwk sak a ni. Zirtirtu hna a thawhna ah hek a tawh tur thu; nupui fanau a neih dan turte, thlawhhma lama malsawma a awm dan turte; Lo hmun hnih, a pakhatah  buhphur 120 (Chhipzawn) leh a te zawkah buh phur 50 an neih tur thu thlengin hrilhlawkna te hi a thleng dik vek a ni.

 

 KOHHRAN THIANGHLIM  ZINKAWNG : Kum 1983-a Khatla Primary School-a a thawh lai hian, Bungkawn Biak Inah Lalpa Chhiahhlawh Dr. LB Sailo hian rawngbawlna a nei thin a. Kum 1958-ah Pastor Chhawna’n, “Hun hnuhnung a ni ta, tluksanna rapthlak taka lo thleng ta, tuna I awmna Kohhran hi I chhuahsan ang a, Thlarau Thianghlim fate Lal Isua Kross-ah fawkkhawm  ruai buatsaiha fatu tura ruat I ni a, I fatu dawn ani,” tiin a hrilh a. Hemi avang hian thlarau lama tuihalna nasa tak neiin, Zathangvunga, Lalzawna leh Vanawia thusawi te a ngaithla thin a. Nimahsela, zawlnei thu hrilhlawk anga thusawi kha tumah a hmu zo lova, a beidawng hial thin a.

       Kum 1983 favangah Lalpa Chhiahhlawhin Venghnuai Primary School-a rawngbawlna a neih chu an nupa in an zuk ngaithla ve a. Kross thu a ngaihthlâk lai tak chuan ri aia ring zawk hian, a thinlungah, “Thanglian, kum 1952 ah khan I thi tawh a, I nunna chu Pathianah chuan Krista hnenah thuhrukin a awm tawh e,” tiin a rawn sawi a, chu veleh a tap ta hawm hawm a. Zawlnei hrilh lâwk ang kha a ngaithla ta! Kum 1984 January 31-ah khân pawl chhuakin Lalpa thlante kawngah lawm takin a pen ta ani.

           

            Hun danglam tak mai kum 2002-ah a thleng a. A fate – Mamuana leh Zotei te nupa kaltlangin Damvenga bul tanin, thlante zawng zawng hnenah Lalpa thu alo thleng a, “Thlante hi Lalpa lakah kan lo hel ani,” tiin. Thlarauvah kan tho ta ur ur a hmuhin ropui hi a ti thin em em a. Inkhawmna ah tel thei lo mahse; unaute inpawlkhawm hunah chuan a awm mai mai thei bik lo thin a, tawngtaina nen alo tang ve thin a ni. Thlante ni tura kum 1952-a lo thlangtu, vawiin ni thlenga, a khawngaihna avanga Chhandamna Lawng Kohhran Thianghlima hruai luttu, Hmangaihtu Lalpa fak chu a bang thei lo thin ani.

 

 NATNA LAM: Kum 1984 favang dawnah a Beng kherh thin kha a septic leh a, Gauhati-ah kalpui ani a, a Hnâr lamah harsatna nei chho zelin, kum 1995-ah Dispur-ah zai ani a. Kum 2012 atang phei kha chuan zunin pan tur pawhin hruaitu awm zel a ngai ta a. Kum 2015 lo hal khuin boruak a tuam mup atang khan awmna/khawsik a nei chho ta a, a natna hian zual lam pan zelin Dt. 26.03.2015, Dar 2:00 p.m. ah amah zawng chhuaktu, a Lalpa hnena chawl turin min kalsan ta a ni.