Kohhran din tirh ata tawh, hun pawimawh kan neih nikhua a, a serh zinga a mei ang mai a thil pawimawh tak pakhat awm chu ‘rimawi leh zaia Lalpa fakna’ hi a ni. Kohhran fuke kima a dinchhoh hnuah phei hi chuan, rimawi leh zaia Lalpa fakna hi a tel loa kan awm theih loh tluk ani ve ta reng mai. Kohhran hun pawimawh leh inkhawm nikhuaah, mipuite min awitlei a, kan programme hlawhtlin leh hlawhtlin loh hriltu pawimawh tak pakhat ani.

 Revealers

            Kohhran din chhoh tan tirh ah khân, rimawi leh zaia Lalpa faka hma min lo laksak tute chuan thahnem ngai takin, luanchhuahna ah leh kohhran ni pawimawhah Tingtang nen chauha Lalpa fakin an lo zai tawh thin a. Lalpa pawhin a hmang ropui thei hle a ni.

             Hun alo kal zel a, Tingtang mai nilovin Keyboard a rawn lar chho zel a, mi tlawmngai ten rimawi bungrua chi hrang hrang Lalpa fakna atana hman turin an donate ta zel a. Kohhran pawhin ngaihtuahna fel fai tak pu chungin, mumal taka zaimite inzawmkhawmna pawl ‘A Lalna Fak tute’(Revealers) tih chu alo din ta a. An ni hian Solomon’s Temple lungphum pawh khan, Lalpan a din chhan ang takin, amah fakna leh chawimawina an rawn nei anih kha, kan phuisui sawt hle a ni.

             Hun engemaw chen chu chawlh san a ni a. A pawimawh em avang leh a tel loa kohhran a kim tlat si loh avangin, kum 1998-ah khân Revealers chu din thar leh ani ta a. Music hi setana’n a thik em avangin langsar lo takin(Tuihnuailawng) ang maiin a kal ta a.

 Music Cell

            Kum 2003 ah khan nu leh pa ten ‘Revealer’ tih chu ‘Music Cell’ tia hming thlak in, Central Youth Evangelical Front kaihhruaina hnuaiah a tharin mumal taka din a ni leh ta a ni.

 Hnathawh

Hun leh nite alo ral zel a, tuihnuailawng anga kal thin chu a in pho lang ve zel a. Lalpa fak leh chawimawi tura din a nih angin, kan zai mite pawhin Lalpa rilru tihnat hlau takin, rilru leh thinlung takin Lalpa an fak thin a ni. Tun aia kan hlate sak lar anih chhoh theih deuh deuhna turin audio cassette te siam ani a. Kan unaute hnena Lalpan a pek, kohhran tan pawha chhenfakawm leh thlarau nun kai tho thei hla thar tha tak tak kan nei chho leh ta zel bawk a. Chung hla thar hmang ngei a, thinlung taka Lalpa kan fak thei te hi a va ropui em!

. Music Cell ten zaithiam talent nei tha tak takte zawng chhuakin, phur takin CYEF kaihhruaina hnuaiah hma lak a ni a. Vawiin niah chuan zaithiam thar hmel duhawm tak tak kan hmu leh tan ta mek zel bawk. Kum 2011 ah kohhran chhunga talent neite zawn chhuah a awlsam zawk nan leh zai lama tui mi ten hmasawnna an neih theih nan, Aizawl vengtinah Music Contributor ruat vek an nit a bawk.

 Kum 2010 atang tawh khan kan kohhran hlate a ral loh nan, hla bu siam a Solfa nena dah project buaipui a ni a. Kum 2012 Jerusalem Khawmpuiah khan kohhran solfa hla bu hmasa ber release ani.

Instrument

            Revealers hun laia instrument te kha 2004 khan tihral(auction) a ni a. A thar tha tawk lei hi nu leh pa te hnenah dil thin ani a. Chung ngenna chuan a hlawhtlinna hmel hmuin, music instrument tha tak tak mai kan nei chho ta zel a. Heng music bungruate hi a tui leh peih tan chuan inzirna turin hman phal a ni a. Tunah hian instrument enkawl dan tur CYEF in ruahmanna a siam pawh Executive Committee chuan min pawm sak leh tawh bawk.

             Music Cell hian music nite te siamin zai mite, rimawi tumtu leh a tui mite sawm khawmin, Lalpa faka zaikhawm hun hlimawm tak a siam thin  a. Instrument thar nen talent tha tak tak nei ten Lalpa an fakna hun hlimawm leh boruak nuam tak buatsaih thin a ni.