Jerusalem Kulh tundin lehna

/, Uncategorized/Jerusalem Kulh tundin lehna

Jerusalem Kulh tundin lehna

 

Tunlai hian CYEF chuan Jerusalem veng hrang hrangah rawngbawlna an nei mek a. Missionary-te leh Eltea te an kal ve bawk a. Nimin Dt. 28.04.13 (Sunday) ah khân Damveng ah rawngbawlna an nei. Thu leh hla ah Lalpa a inpuang nasa hle a, an tlawh vengte’n an dawn tur tak an dawng thin ani. Hei hian rah tha tak a chhuah zel a. Lalpa aw tlangpui te chu :

 

1)  Thlante hian Krista Lalna kan duh tawh lo a, sual dona turin ralthuam kan nei tawh lo ani.

2) Kan thinlung Jerusalem Kulh chu a tlu chhe rem rum tawh a, tunah hian mahni thinlung kulh, chhungkua leh Kohhran kulh te kan rem tha leh vek dawn ani.

3) Ruhro rual awmkhawm kan lo ni tawh a, ruhro mai ni tawh lovin ruh mawih kan lo ni tawh a, han kah deuh pawhin kan tliak hmek hmek thei tawh ani.

4) Lalpa tana inhlan thei tawh lote’n nun zawng zawngin Lalpa kan zui leh ang. Kan hmangaihna hmasa kha kan la leh vek ang.

5) Kum 2013 ah hian indona kan bei leh dawn a, chumi atan chuan kan zavaiin, a bo a bang awm loin kan awmhmun theuhah kan tang leh dawn ani.

6) Thlante ah Lucifera’n nasa takin bu a khuar tawh a, pawl pawl leh lamtang kan siam fir fer tawh a, hei hi thiah darh vek tur ani.

7) Kan nun a thianghlim tawh lo a, inrukna a hluar a, hnamdang nupui pasal neih kan uar ta hle bawk a.

8) Kan zavaiin Lalpa hnenah kan kir leh ang. Kan awmdan leh nihna ang angin, Lalpa lo phatsan tawh mah ila kan kir leh dawn ani.

9)  Zawlnei maicham din khan kan mit a tidel zo vek tawh a, maicham suak ani a, kha maicham  avang khan fiah takin Lalpa hmel kan hmuh theih loh phah a, Krista chuan min suihkhawm leh vek dawn ani.

10) Thawhlehna ah khân thlante kalvari kan nunpui a, Krista tanna in kan khat a, tunah chuan thu maiin kan hria ani. Insawifiah siak ni loin, a taka Krista nunpuitu nih kan tum theuh tur ani.

11) Thlante Kalvari chu, ‘Lalpa i Pathian chu i thinlung zawng zawngin, i rilru zawng zawngin, i chakna zawng zawngin i hmangaih tur ani’ tih hi ani mai. Nu leh pate’n thalaite ta bika ngaihna kan nei tur ani lo a, ‘thawhlehna hunlai’ tia kan sawi pawh hian thalaite’n nu leh pate ta bila ngaih tur ani hek lo.

12) Thlante Kalvari tih sawi a phur surh, ka thiam zawng tia, thuneihna neih na tura hman tangkai lo tum suh.


 

        

 

 

      

By | 2013-04-29T14:25:40+00:00 April 29th, 2013|News, Uncategorized|0 Comments

About the Author:

Leave A Comment