Chawlhhmun Kohhrante Nazareth Isua in a fanna chanchin ani

 Aizawl 12th April 2013 ( Fri ) :Tuma hai rual lohvin Chawlhhmun Kohhran hi kan nunna Krista nena inzawm ngai reng reng lo, thi reng si, nung hming pu kan ni. A Chhiahhlawh chenna vengah kan awm a, mahse chapo tak kan ni ringawt.

           March thla laihawl vel khan naupang inkhawmnaah Thlarau Thianghlim lo thlengin naupang te tak te te rilru thianghlim tak teah chuan sual nih inhriatna lo thlengin naupang rualte chu an tap ta chuah chuah mai a. ‘Chu ti’n an sual chhun ang hriain’ tih hla ang mai hian an sualna nu leh pate thu an awih lohna te, zirtirtute thu an awih lohna etc. rawn auchhuahpuiin leh Pathian hnena ngaihdam dilna tawngtainate nen Lalpa hnenah an kir ta chum chum mai a. An vai \ah ta chur chur mai a. An zirtirtute lah bang chuang bik lo, a chang leh naupang te’n hla an thlang a an sa bawk. Engtia rei nge hetiang hian an awm tih chhinchhiah chu a ni lo nain darkar thum vel lai ni awm a ni.

  Nu leh paho lah mutthlu hek i, dawhkan buatsaihna chang pawh hre lovin kan han awm ren rawn a. A va han ropui em tih bak chhunzawm ngaihna reng kan hre lo. Kan nu ber Nu Ziri min rawn angin naupangtea rawn chuang Nazareth Isua chu a Kohhran  angin chibai bukna chang kan hre chho ta a.

           Tichuan le, kan veng kohhrante mamawh ber INDONA THIANGHLIM kan hmang chho ta mup mup mai a. Thinlung tuiralin Lalpa hnenah kan kir ta sup sup mai a. A va han ropui tak em ! Lalpa chu fakin awm rawh se. Zan awl pawh awm thei lovin kan chhunzawm ta mup mup mai a, PENTIKOS te lo thlengin kan so mup mup hi a ni ta ber mai.

           Zan khat chu le Saibawihi rawn ding chhuakin a nih nih ka ni mai ang chu tiin indona mei alh chuan a rawn hliau va. Amah lainatna avang tepawhin kan \ap chhuak hial reng a ni. Hun a lo kal zel a, hnehin kan awm zel a, Inrinni zing lamah chuan Saibawihi chu tidamtu kut chuan a tidam ta a. Kan inhrilh kual zel a, an inah kan tlan khawm ruih ruih a, Lalpa’n a tidam a ni tih hmutute-ah Thlarau Thianghlim chu a thleng zel bawk a. Mittui nen, tahna nen, chibai nen kan kuangkuah vawng vawng hlawm a. Saibawihi dam thu hria apiangte hnenah Thlarau Thianghlim a thleng zel bawk si te kha a va mak em !

          “Hmuh awla a awm lai hian Lalpa chu zawng ula, a hnaih lai hian ko rawh u, mi suaksual chuan a awmdan chu bansan se la, mi fello chuan a ngaihtuahnate chu bansan rawh se, tichuan ani’n a lo khawngaih ang, kan Pathian hnenah kir leh rawh se, ani’n a ngaidam nasa khawp dawn si a,” (Isaia 55: 6&7).

         Misual ka ni, Lalpa min ngaidam rawh, Thupha ka rawn chawi e, i ke bulah, ti vawng vawngtute hnenah Lalpa hi a lo inlar duh zu nia le !

        “Kan bawhchhiatnate avanga thi kan nih lai meuh pawhin Krista rualin min tinung ve a. (Khawngaihnaa chhandam in ni ta e) Krista Isuaah chuan ama rual veka min kai thovin, vanhmunah te ama hnenah min thuttir ta,” (Ephesi 2,5&6). Ava ropui tak em!

 – Pa Bûk-a