ZAA April 1st issue 2011
LAL DAVIDA NUN THURUK CHU
                                                          – Dr. L. B. Sailo

Sam ziak kan chhiar chuan Lalpa chhiahhlawh, Israel lal ropui ber Davida thlarau lam nun ropuizia kan hmu \hin a. Mi pakhat Davida hnena Krista inpuanna hi mi tam tak thlarau lam nun hliamte tan damna a ni. A tleirawl lai atangin Davida hi Thlarau Thianghlima khat \hin a ni tih a lanna chu a beram venna hmunah te \ing\ang nen zaiin Lalpa a fak \hin a, Thlarau Thianghlim chakna ringin ram sakawlh lakah pawh a beramte chu a chhan chhuak \hin a ni. “Lalpa chu min vengtu a ni a, ka tlachham lo vang,” a’n ti maite hi a va ngaihnawm êm ! Keini zawng vawi tam tak kan tlachham \hin si a. Kan duh leh kan dil anga thil a lo thlen loh phei chuan min siamtu hmaa \hing\hit hi harsa kan ti \hin. “Ka novah hian a liam reng a,” a han ti lehnghal phei hi chuan min va tizak \hin êm ! Kei leh nanga thinlung no hi chu a ruak \hin si a. Israel lal hi Pathian ngei pawhin, “Ka thinlung ang pu mi ka chhar ta,” a ti reng a ni.
|um khat chu Lal Saula sipai leh Philistia sipaite chu ruamah an inep \hupmai a; tlang inep tak maiah an inralep a ni. Chu ruamah chuan Philistia sipai chhuanvawr Goliatha a lo chhuak a. Amah a lianin a hrohrang a na em em a, Israel sipai (Saula sipai)-te chu a rawn cho kûk kûk \hin a ni awm e. A awrawl an han hriat veleh Pathian nung sipaite chu hlauvin an tuiral vek a,
han chhang lêt ngam tumah reng an awm lo. A ute chaw pe turin Davida chu a pa-in chu ral inepna hmunah chuan a tîr a. Chutih lai chuan Goliatha chu a rawn inhrosa leh ta a. Davida chu a rawn hawi vel a, a ute leh Israel sipai thlabâr hmel lo chu hmuh tur reng a nei lo. Chu veleh chuan a chhung lamah Thlarau Thianghlim a lo che ta a, “Tunge he serhtan loh mi, Pathian nung sipai han cho veitu hi ?” a ti chheu chheu mai a. Amah a la naupan êm avangin a ute phei chuan an zahpui hial a, mahse ani lah chuan a ngam zek zek mai si a.
Israel lal Saula mangang khân Goliatha that thei apiang hnenah a fanu a lo tawktarh hial tawh a. Tumah lal fanu han hlawh ngam pawh an awm si lo. Chutih laia Goliatha bei ngam a han hriat chuan Saula pawh a harh huai ang. Thlarau Thianghlima khat Davida chuan Goliatha lu chu a la ngei reng a ni. Lal Davida hian lalna a chan hma hian Pathianin Israel lal ni turin hriak
thih tawh mah se harsatna lian tak a tawk a. Pathian hnawl hnû Lal Saulan tihhlum tumin a ûm a ûm \hin a, amah Davida hian Pathian hriak thih chunga kutthlâk chu thiang lova ngaiin tlanchhiatah a ram\ang a. Pûkah te tawmin in lum pawh luah thei lovin a tlan bo a, chung a tlan bona hmunah pawh chuan thinthîa muhîl ngam lo khawpin ransa ang maiin Saula leh a
sipaiten an hual reng \hin. Hêng hun lai hian Davida hi a mangang êm êm \hin a, a mangan thu hi a nunna zawmpui Jonathana (Saula fapa) hnenah a thlen ve \hin. Jonathana hian a nunna tlukin Davida hi a hmangaih a, Davida tan \hian \ha innghahna tling a ni. Lal\hutthleng a luah hnûah zâwk Davida hian hmelma a ngah em em a, hetih hun laia Davida thlarau \ap aw hi tûn thlenga mite thlarau \ap thlêmtu an tling a ni. “An leite tithlêr la,” ti khawpin a hmelmate hi a diriam a. Thil dik lo tituten chan \ha an chang a hmuh phei chuan hre thiam lovin a thlarau a chau ve bawk \hin a ni. A ni tak a, khawvelah hi zawng pawisak nei lo mi pamham leh huaisar pui puite hian vanneihna an khum a, mi dik leh mi rinawmte hian vanduaina an rochung zawk a ang hle \hin. Paula pawhin he thil hi a hmuhin, “Khawvel chu sual thu thuin a awm,” a tih hial reng kha. Davida thlarau zin kawngah hian tlukna pawh a tirah a tel ve tho mai. Pathian \ih mi leh tleirawl tet a\anga thinlung ropui tak lo nei \hin ni mah se, thlemna hautak tak Eden rulpui tar chuan a vel reng a. Ram leh hnam