Division Meet Kalte pual inkhawm, A Hmun : Solomons Temple

  Inkhawm kan thahnem hle a, Jerusalem pawn lam atangin chhimtu unaute an awm nual bawk.

Hla hmasa ber : Pu C.H. Lalnunmawia, Republic in hla thlanna a nei a, zai kan tan a. Pa Chhuana, Armed Veng in ‘Hetah hian nunna tui a luang’ tih hla rawn thlang lehin Lalpa a rawn inlar tan ta a.

Chairman: Pu Lalhunliana a rawn ding a, Ezekiela 14:7 chhiarna leh tawngtaina a nei a.  Vawiin hian mitin ten kan thinlunga awm ang angte puan chhuahna hun a ni ang, tiin ding tur te sawm nan a duh a piang hla thlanna hun a rawn hawng a.

Nu Parliani, Nursery vengin Chhandamtu hmangaihna ka hria, hmangaihna mak tak chu a lo ni, tih hla a thlang a, a duh apiangte dinna hun in a chhun zawm nghal ani.

Dingte leh an thu sawi tlangpui:

1. Saibawihi  : A tisa natna te tidamtuin a tih dam dan chan chin ti hiana sawi:

“Dawra ka awm lain ka tap ka tap a, thil leitute pawhin mak an ti a, engati nge? tiin min zawt a, tlai a lo nih chuan ka pa hi a lo haw a. Thil mak tak chu ka pa hi ka hmu lo reng reng a, ka hma a ding chu ka Lalpa a ni tih ka hmu a. A hmaah chuan ka bawkkhup thlawp a, ka tap zawih zawih a. Ka hnungzangah hian bawk a awm a, chu chuan ka taksa pumpui hi a pawt khur thin a. Mahse, chung zawng zawng chu tidamtu ka hmuh hian min tih dam sak ta a. Hmeichhe beidawng chu min ti dam ta. Khawvel doctor ten an tihdam theih loh chu, Kalvari-a ka tan a tuartu chuan min tihdam sak ta.” Tawngtaina neiin tidamtu Kraws hnathawh chu chawimawiin, tap hawm hawmin lawmthu sawina a nei a. A thinlunga hla riak reng chu rawn sawiin, ‘Nunna tui bua a luang fim leh ta, tlantu fak tlak kan tan a nung a,’ a rawn chham chhuak a, kan khuang pu ten an la nghal a, Lalpa a inlar nasa hle.

 2.Salem Tlangval: Vawin hian Drug bawi a tang tawh hi ka Lalpa hnenah ka rawn kir.

 3. Parliani Nursery: Bible Sam 24 chhiarin, tidamtu kan hnena lo kir chawimawina neiin testimony tawi ropui tak a sawi.

 4. Vanbawia (s/o Thanghnuna ) Maubawk : Sam 84-na chhiarin, kohhrana a lo luh dan testimony ropui tak a sawi a.

 5.Sipaithangi Mo Nu Maubawk: Kohhranah hian kan pa vangin ka lo lut a, thlante kalvari  ah kir tur tih hi an sawi ve ziah a, engmah a awmzia chu ka hre bawk si lo a. Thlante kalvari chu enge ni tih an sawifiah ngai bawk si lo a. Unaute kaltlanga thlante kalvari ka han hre chiang chu ka thinlungah hna a thawk ta a, ka keh ta vek mai a, ka hlim bawk si.  Ka han kir chiah  chuan Thlarau Thianghlim hi ka lo nei ve ta. Aw tlangmawi kalvari miten hmusit mahse … tiin a hlathlan hi kan sa nghal a ropui hle a ni.

 6.Tv. Ela, Tanhril: Lalpa hnenah kirin tap hawm hawmin hun a rawn hmang a. Lawmthu sawina neiin, Lalpa chu fakin ka chawimawi ang, tih hla a thlang a, kan sa nghal.

 7. Laldingngheti Maubawk: Champhai Div Meet ah Naupang Deptt. hmingin ka kal a, chutah chuan ka mihringhlui zawng zawng  min chin ral sak vek a. Thu awihna a zui thin  kha,  Thlarau Thianghlim min pe ta, Lalpa fak hi ka kham thei ta lo.

 8. Robert CYEF : Isaia 35, Sermon tawi te neiin  Lalpa a hmangaihna a rawn au chhuah pui a, ka thinlung mit tivartu ka Lalpa ka hmangaih che tiin.

 9.Sangzuala Sairang: ‘Vawin hian ding lo thei ka ni lo,’ tiin Lalpan a hruai chhuah dan ropui takin a sawi.

 10. Biakdiki Sairang:  ‘Tidamtu chu kan hnenah lo kir  lehin, pharte kan lo thianghlim leh ta,’ tiin hlim takin Lalpa a rawn chawimawi.

 11. Daniel-a, CYEF: Mark 6:14.. “Thlante thinlung hi a ro vek tawh a Vawin hian Lalpa chuan a kulh  chu a rawn tung ding thar leh ta. Tidamtu kut lo thlengin pharte min ti thianghlim. Puitling, pitar, putar, thalai, naupang a dang chuang lo, kir leh tawh lo turin ka nun ka hlan ta,” tiin  thuchah tawi  a sawi.

 12. Tete-i Maubawk:  ‘Vawiin hian kan thinlung hi Lalpa hnenah i hlan thar leh ang u,’ tiin sawmna a nei a.  Darlawn Div Meet ah ka kal a, ka Lalpa hmel ka hmu a, vawiin hian a hnenah ka rawn kir thar leh a ni.

 13.Sena, CYEF: Jeremia 2 ‘Lalpa ka hmangaihna hi mualpho pui turin Serchhip Div meet ah ka kal a, CYEF  a ka tel hi ka peih tawh lo em em a.. thlarau vak vai hnenah hian Lalpa chu a rawn inlar leh a, vawin hian Lalpan nang leh kei  Lal nân a lo hmang thin tu a  kha min  thiat a, kalvari hi a namthu lo a ni.

 14 Afela, CYEF: Ezekiela 36:25 Darlawn Div meet ah Lalpan min lo hmuak a. Lalpa chu ka hnenah a lo thleng leh ta a ni. Drug thlipui hau reh tu kha a lo thleng leh ta, hawh u Lalpa hnenah i kir ang u.

 15.Chhuangkima Director, CYEF: Ezekiela 6  Kan hma mi huai kal te kha an ding nghet he hmunah hian. Lalpa hian he anchhedawng i a ching ral thin a,  Lalpan Director turin min ruat a. Lalpa lakah hian ka vui thin a, tiin a testimony leh thlante kalvari Estheri bu hmangin sermon  ropui tak a nei.

 Chairman in Pu Lalthanga ding turin a sawm a:

 Pu Lalthanga : Ephesi 3:13   Hmun thianghlim a ding leh thei tura  siamtu hnenah lawmthu  sawina a nei a. Ani hian thlante kalvari tluantling fiah takin a sawi a.

Pu Lalthanga din zawh ve leh hian Lalpa Chhiahhlawh lo ding chhuakin, mipui zawng zawng kan ding a, malsawm tawngtaina a nei a, tlai dar 3:33 ah kan bang ta ani.