This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

Lalpan Thlante Min Hruaina Thla Khinghnih

/, Wikipedia Links/Lalpan Thlante Min Hruaina Thla Khinghnih

Lalpan Thlante Min Hruaina Thla Khinghnih

Lalpan Thlante Min Hruaina Thla Khinghnih

                                                                                     – Lalpa Chhiahhlawh

Aizawl 30th May 2014 (Fri) :Lalpa thlanten Lalpa min hruaina kan hriatfiah theih nan leh thlarau nun hrisel leh mi dangte tana nun chenfakawm kan neih theihna turin Lalpa Chhiahhlawh Thuchah, “ LALPAN THLANTE MIN HRUAINA THLA KHINGHNIH,” tih hi Lalpa thlante zawng zawng hriat turin Kohhran Inkhawmna hmasaberah chhiar chhuah dap tur a ni a., Jerusalem-ah chuan nilaizan, Dt.28.05.2014 khan chhiar chhuah a ni tawh a. Zokhaw lam unaute chuan Phileo a mi hi Kohhran inkhawm hmasaberah chhiarchhuah ngei ngei tur a ni.

Thla dinglam: Indona Thianghlim. Kohhran Thianghlim chu Krista lalna leh thuneihnaa din Indona Thianghlima sak a ni. Chumi awmzia chu i thinlungah Kristan a lal\hutthleng a din hma chuan indona i lem ngai dawn lo tihna a ni. Midangte sualna chu i do thei a ni mai thei, mahse nangma lama thal a lo kalin i buai ziah ang. Pathian hmangaihna chu i hre tawh a ni mai thei, Pathian khawngaihna ropuizia pawh; mahse a lalna chu nangmahah ala ding lo tlat thei. Chu Krista lalna leh thuneihna, Indona Thianghlim chu i thlarauvin a fak full theih hma loh chuan nangmahah kraws ala ding reng reng lo tlat. Tihduhdahna lo thlen hunah amah chu ila phatsan tho dawn a ni. Indona Thianghlim chuan tumah a thliar lova, hruaitu a dah hrang lova, nihna a dah hrang bawk lova, mitin angkhatin a hmachhawn vek zawk a ni. A chhan chu mitinin chu indona chu kan kaltlang a \ul tlat vang a ni. Officer a ni emaw, minister a ni emaw tupawh nise local church tinah ngam loh leh zuah kan nei thiang reng reng lo. Mitin te Beram No hmaah kan kaikun vek a ni, chu ngei chu Kohhran Thianghlim ropuina leh danglam bikna chu a ni. Pathian hmaah tumah an inchhuang thei lovang, khup tinreng a hmaah an \hing\hi ang a, lei tinreng a hnenah an inpuang dawn si a. Indona thianghlima rawn hmachhawntu che kha mihring, i hmuh theih kha ni lovin, hmuh theih loh Pathian nung a ni tih i hriat thiam hunah chauh indona chu lawm takin i dawngsawng thei tawh ang. Vawi tamtak indona hi i hmachhawn tawh a ni thei, mahse nangmah rawn kawktu che kha i Pathian a ni tih ila hre chuang tlat lo thei a ni. Indona tawh zin hi kaltlangna a ni chuang lo, i chunga thal lo kal zawng zawngte thliar hrang miah lova lawm taka i pawm thlap theih hunah chauh indona chu i kaltlang tihna a ni ang. Beram No a hmulmettu hmaa a ngawi reng anga i ngawih reng theih hunah chauh.

 

Thla veilam: Hmangaihna. Thlanten Lalpan min hruaina thla khing lehlam, Krista hmangaihna  chu kan hlamchhiah hlauh thei zu nia. Lalpa thlanten nu leh pa i nihna anga an belhbul theih nan che hmangaihna tawp chin nei lova inthuam reng chu i mamawh a ni. I hriam vur reng ringawt chuan tumahin thlarau lam hnute tui nangmah a\angin an hne ngam ngai lovang. Hmangaihna lui thianghlim chu i thinlungah lo luang tlang leh \hin rawh se. Indona thianghlim hmanga indona lemlote i sam buaih buaih lai khan, an hnenah thlamuanna thu sawi leh thei turin i thinlung chu khawizu thlar \ha tak angin, Krista hmangaihna chuan rawn kaltlang lehnghal zel che a duh a ni tih hi hre reng \hin rawh.  I thinlung chuan in veng chhungah tisa thila tlachham an awm leh awm loh dap chhuak \hin se la, thlarau lama thlabar an awm phei chuan thlamuanna thu sawi leh turin han inpuahchah mawlh teh. Indonate hi a tam zawk hian an hnar tlat zel a sin, chung indona la hre thiam lo te pawh chu hmangaih hram zel rawh.

 

Lo inrawlh ve \hin chu:      He thla khing hniha thlawh Thlarau Thianghlimin thlante min zirtir siau siau lai hian, kawng lakah lo inrawlh tum phet a awm a, chu chu Pathian hmelma Lucifera kan tih hi a ni. Lucifera, zinglam fapa hian, i duh vang ni hauhlovin a hmang thei tlat che tih i hre reng tur a ni. Chuvangin Pathian rawngbawltu apiangin an lei chu Luciferan a rawn hmang hlauh thei tih hriain anmahnia chapona hnawl rawk ngamin Pathian an \ih reng a \ul \hin. Hmangaihna kan tlangaupui laiin indona kan namthlu kher tur a ni lo. Indona kan sawi laiin hmangaihna kan namthlu kher tur a ni bawk lo. Vawiin-a Krista duhdan kan sawiin hun kal tawha Lalpa min hruai tawhna kan sawichhiat mai chuan Lucifera hmanrua kan ni hlauh zawk. Kham leh suar nasa tak kara lui luang chu a chak \hin a, phaizawl a lo thlenin a luang dam duai \hin ang hian, Krista duhtuina a lo kal tak tak lai chuan insahthlak \hawt \hawt hun pawh a awm \hin, Phaizawla lui luang dam duai anga kan thinlung hmangaihnain a luan zawp hnup lai hian Lalpan min ken hriam tuk hunlai kha va vuak chiam a awl \hin alawm, chu tak chu Lucifera thiltum, min chan ruk khuauna hmun chu  a ni. Lalpan min hruai tawhna zawng zawng chu a \ha vek si a.

 

Tlangkawmna:   Lalpan kan lo hlamchhiah tawh a thuthlung ropui tak chu CYEF hmangin a rawn tungding leh ta hi ava ropui em! Kohhran Thianghlim culture te chu a lo \iak leh ta uai uai mai, i lawm ang u. Mutthilhna inah hei hi a hmuh theih tlat a ni. Chu chauh a ni hlei nem, kan thlarau vuai hnip hnep tawhte chu thlante kalvari tuifim chuan a rawn chawm nung leh ta hlep hlep mai ti raw. Indona kaltlang thei ngai lo veng leh khua ten indona thianghlim an kaltlang ta sup sup mai. A la kaltlang thei rihlo veng \henkhat pawhin hun \ha lo thleng tur chu an nghak mek a ni. Kohhran Thianghlim hi namen lovin siam thar(reformed)a ni leh tawh a sin, chu chu ilo hmu thiam lo palh ang e. Hetih lai hian kan zinga tlachhamte kan lo hlamchhiah palh ang tih hlauvin thla khinghniha thlawh dan min rawn hrilh leh a, unau inhmangaih, Philadelphia kohhran kan nihna chu a lo thleng thar leh mek a, hetih lai tak hian mitinin kan thihna kraws chu puin, mahni sahmim hampuar nana hmang a, midangte dem chiam chiam lovin, Lalpan thil ropui tak min tihsak chu i hril vek zawk ang u. Hmangaihna chu mitin hian kan tlachham chiang khawp mai. Veng emaw khua emaw zu dem bik tur an awm chuang lo, kan zavaiin kan tlachham a ni. Amaherawhchu, Philadelphia a lo rik hian ralthuam dah tur tihna a ni lo, i dinglamin ralthuam keng la, i vei lamin hmangaihna la rawh tihna a ni. Tichuan Lalpan Kohhran Thianghlim a dinchhan, Ram Chanchintha (Zanlai Au Aw) chu kan sem chhuak ur ur thei dawn a ni.

By | 2014-06-18T16:10:24+00:00 June 18th, 2014|Categories: Uncategorized, Wikipedia Links|0 Comments

About the Author:

Leave A Comment