This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

Chanchin te sep Dt. 23.11.13

/, Uncategorized/Chanchin te sep Dt. 23.11.13

Chanchin te sep Dt. 23.11.13

 

Donation

          Martin Lalmalsawma Electric veng, Lunglei chuan a hlawh lak hmasakber a\angin Solomona Temple tan Rs.4,000.00 (cheng sangli) lai mai a rawn donate a, a lawmawm takzet a ni.   

 

Pu C. Kaphmingthanga kan \hen ta

          Pu C. Kaphmingthang hi kum 1967 ah lo piangin, Pu Zakhuma (L) fapa upa ber a ni a. A nupui Pi Vanlalfeli nen hian fa mipa 5 leh hmeichhia 2 an nei a, kum 1987 a \ang khan Krista taksa Kohhran Thianghlimah lungsi takin a muthilh thleng hian a awm a ni. Pu Kaphmingthanga hi a nun zawng zawng hian, a Lalpa tan a tlan ral tawp \hin a, Piler kohhran nu leh pa nih hi a tlin hliah hliah \hin a ni. A ni hruaina hnuaiah hian Piler kohhran te hi kan thlamuang em em a, mawhphurhna chi hrang hrang Lalpa’n a pekahte hian Lalpa rawngbawlna a ni tih hriain hlim tak leh phur em em hian Lalpa tan a thawk \hin a ni.

          A chhangchhiat ber lai pawh hian tisa harsatnate hian Lalpa  rawng a bawlna kawngah hian a tibuai ngai chuang lo reng reng a ni. Piler O.B. hna pawh kum 10 tel teh meuh tlin tak leh hniak pherh miah lo hian min chelh sak a ni. Fate enkawl kawngah pawh hian a fakawm hle mai, hnatlang leh kohhran thiltih ah reng reng inthlahdah lo va unaute mit tikham zawng a awm lo turin leh hmahruaitu ni fo turin a fuih chamchi \hin a. A fate pawh hian a pa thuchah chu zawmin a taima ber leh hnukhartu berah an \ang \hin a ni. Chu mai a ni lo va, kohhran hruaitute thu thu a kun thiam tur hian a fate hi a zilh reng \hin a ni.

          Hetia chhungkaw hlim tak a an awm lai hian a hma deuh a a lo insawisel fo tawh a pum lam \hat lohna chu a zual deuh a, Aizawl lamah incheck-up turin an kal ta a, doctor-te chuan pumpui cancer a ni tih an lo hmu chhuak ta a ni, tichuan zai tura tih angin November ni 16, 2012 khan hlawhtling takin zai a ni ta a, hetia cancer a ni tih a inhriat hnu pawh hian a natna hian a thinlungah hmun a chang ngai lo a ni. A thinlung hian Lal atan a lo hnawl tawh chu hre chhuakin, a tan hian nun hlawm tawp hi a chak ber a, Lalpa fak a lam kawngahte hian unauten indim tura khap ngai khawp hian, a Lalpa tan hian a tlan \hin a ni. Hetia a taksa a chak loh chhoh hret hret ah hian hmunpui lamte panpui a ni leh a, doctor te pawh an beidawng tawh a, a taksa chak lo tak chuan a hmangaih tak a pa Pu Zakhuma ruang pawh chu kil hleithei lovin a awm a, “ Ka pa hi zui ve ka va chak em,” a tih chuan keini Piler kohhrante chu min vel nasa em em a ni. A pa hian October ni 9, 2013 khan a lo muthilhsan a. Pu Kaphmingthanga pawh chuan a hmangaih ber hnena chawl turin October ni 28, 2013 chuan a pa chu a zui ve ta a ni. Pu Kaphmingthanga ruang chungah hian Lalpa a inpuang ropui hle a ni.

 

                             Sd/- P.C. Lalramluaha

                             Secretary

                             Kohhran Thianghlim

                             Piler

 

 

Pu Lalmuanpuia Murray Lalpa Hnenah A Chawl Ta

                                                                             – Secretary Venglai,Lunglei

          Pu Lalmuanpuia Murray hi Pu Zosangliana Murray leh Pi Rinlianite fa upa ber niin, 22nd.Nov.1976 ah Serkawn Christian Hospital-ah a lo piang a. A pate chhungkua hi Lunglei mi hlun leh mite zahkai tak an ni nghe nghe a ni.

          Kum 1984-a Lalpa Chhiahhlawh auna kha a nu Pi Rinliani hian lo hre vein, chuta \ang chuan a thinlungah Krista Kross chuan thu a sawi a, thildang engmahin a hneh zo ta lo. An chhungkua hi Baptist ruh tak annih avangin Lalpa thlante zinga a inkhawm pawh an phalsak ta lo va, an do tak em avangin an in leh lo kalsanin a thinlunga thusawitu Krista chu a rawn zui chhuak ta a ni. Hetih lai hian a fate (Pu Muanpuiate unau) hi te tak te te an la ni a. An chhungte chuan khuahkhirhin a nu hmuhtir pawh an phal ngai lo va, hostel-ah an dah bo daih \hin. Mahse, an nu hi an ngaih em \hin avangin a rukin an pan leh \hin. Chutianga harsatna namen lo an tawh takah chuan Pi Rinliani chuan a lu thapin a fate chu  a hnenah a la ta a. Chuta \ang chuan lungrual takin an nufa zain Lal Isua Kross kawng hi an zawh ta a ni.

          Muanpuia hi naupangte a nih lai a\angin Lal Isua Kross chuan a thinlungah thu sawiin a nunah Lalpa a hmangaihna mawi tak a lan chhuahtir \hin a. Mihring danah pawh naupang thuawih, engmah thawh hreh nei ngai lo leh mi taima tak a ni a. Zirna kawngah pawh thiam thei tak sap\awng pawh thiam tak a ni. October ni 5, 2003 khan Pi Sangkimi nen hian Inneihna Thianghlimin an innei a. Nupa inlungrual tak niin fanu pathum an nei a ni.

          Kum 2010 a\ang khan Lungsen B.D.O.-ah A.P.O.(Additional Programme Officer) hna a thawk a. A hna thawhna ah pawh hian mi fel leh thiam hna thiam tak a nih avangin hna harsa leh khirh deuh apiang chu an pute hian a kutah an dah mai \hin a, tuna a lo muthilh takah hian an uizia an sawi bang thei lo.

          Pu Muanpuia thlahna hunah hian Lalpa a inlar ropui em em a. Chhungkaw aiawha thu sawitu Muanpuia nau, Lalnunsanga Murray chuan a u ruang chungah leh khawvel mi langsar tak takte, Adama thisena an pate chhungkua zawng zawng hmaah chuan, ‘Ka Lalpain ka kawng Kross a zawh hmasa, ka tan kawng a lo siam nuam,’ tih hi Lalpa’n a rawn pe a, an tet te a\anga hun harsa tak kara an lo zui Krista chu, a u-in a hnukchah ni thlenga a zui ang hian, ‘ Ka thih thlengin ka zui dawn a ni,’ a rawn ti a, a va han ropui tak em. Msry. Zodingliana’n thlahna thuchah, ‘Kristaa kan thihna leh thawhlehna thu’ a sawi a. Thlahna hla thlang tura Muanpuia nupui Sangkimi rawn ding chuan, Lalpa Chhiahhlawh hla rawn thlan, ‘Ka damlai thlipui a ral hunin,’ tih leh Nu Chhuangi Nursery veng rawn thlan, ‘Aw, ka tlantu ropui ber,’ tih hla a rawn thlang a. Hla thlan pahin, a pasal Muanpuia chu atan chuan pa a ni a, a pasal leh a \hian, atan engkima engkim a nihziate rawn sawiin, a thi lo va, a muhil a ni tiin, ‘Aw thihna, khawnge i tur chu ? Aw thlan, khawnge i hnehna chu ? Thihna tur chu sual thiltihtheihna a ni,’ tiin vanram kawngkhar hawnsaktu hnehna hlado  a rawn chham chhuak a. A hla thlan kan han sa chu Hallelui leh Amen hi a tawp thei lo a ni ber mai. Lalpa thlante hi kan va han vannei tak em ! Pu Muanpuia thlahnaa tel zawng zawngte thinlung hi Lalpa’n a hneh fai vek a ni.

          Kan unaupa, Pu Lalmuanpuia Murray muthilhna avanga tlang hrang hrang a\anga lo kal unaute chungah kan Tlantu hmingin lawmthu kan sawi tak meuh meuh a, a kalsan tak a nupui fanaute Lalpa’n awmpuiin thlamuan zel rawh se.

 

 

Unau Thar

          Muallianpui-ah unau thar chhungkaw khat Lalpan min pe a, chungte chu Pu Darliana leh Pi Lawmsangpuiite nupa leh an fate- Rohmingliana (6) leh Ruthi Lalhriatpuii (3) te an ni. Heng kan unaute hi November ni 11, 2013 khan Msry.Zodingliana’n a lawm lut a. Salvation Army a\anga lo chhuak an ni.

 

 

 

 

By | 2013-11-23T10:15:40+00:00 November 23rd, 2013|Categories: News, Uncategorized|0 Comments

About the Author:

Leave A Comment