This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

Setana Hmanraw Chi hrang hrangte

/, Uncategorized/Setana Hmanraw Chi hrang hrangte

Setana Hmanraw Chi hrang hrangte

“ Thim thiltih rah nei ngai lovahte chuan telna reng nei suh ula, tel ahnekin a thiam lohzia hriattir zawk rawh u.” (Ephesi 5:11)

      Khawvel hun hmawra kan din tawh avangin suangtuah phak loh suahsualna chi tinrengin ding leh veiah min hual tuau tuau reng a. Hetih lai hian ngaihtuah ngun lem lo va tel ve mai awl tak anih avang leh chung thilte chu kan tlansan tur a ni tih Bible-ah hian chiang taka tarlan thlip thlep a ni tih hi kan hriat loh chuan kan thlarau nun tichau thei thil tam tak lakah inthiarfihlim nachang kan  hre lo palh ang tih a hlauhawm hle a ni. Chung thilte chu:-

SUM LEH PAI :  Sum leh pai han tih ngawt chuan mi tin a lova kan awm theih lohna thil anih miau avangin han hnualsuat burh theih a ni hauh lo va, chhiartute thinlungah tuh ka duh chu awlsam taka sum lakluh (easy money) hlauhawmzia zawk hi a ni. Rim tak leh hah taka kan thawh chhuah ni lo, awlsam taka sum lakluh leh peipun hi thil hlauhawm tak a ni. Lal Isuan, “Tangka sum ngainat hi sual tinreng bul a ni,” a ti a. Mi tupawh sum bawiha a tân tawh chuan eng atan mah a hmantlak tawh ngai lo.  Bible-ah sum ngah hi mihring dam chhan a ni lo tih kan hmu. Kan sawi leh tur Blue film te pawh hi sum umtute tihchhuah vek tho a ni. Kristian Vanram Kawngzawh buah chuan,  ‘tangka laihchhuahna khur’ a awm a, chuta tâng tawh chu an chhuak leh thei tawh lo a ti. Sum leh pai hi Setana hmanraw lian berte zinga mi a ni a, kan khawsak phungah a lova kan awm theih lohna thil anih avang hian Setana tan pawh hmanraw remchang ber a ni reng a ni. Tangka sum avangin miten an nun an thâp ngam a, mi tam tak ten tunlai khawvelah T.V. leh chanchinbuah te kan lo hmuh thin angin tangka sum tam tak an hlawh theihna anih dawn phawt chuan tualthattu nih pawh an hreh lo a ni.

 

          Mizoram chauh ni lo, khawvel pum huap pawhin politics dik tak hi hriat theih loh khawpin politician-ho te pawh sum leh pai hian a tichhe nasa a.  Tunlai khawvel thufing pakhat chu: ‘Miin sum leh pai a neih phawt chuan tih theih loh a nei lo,’ an ti thin. Sum hi Pathian dawttu ang hiala ngaih theih a nihna lai pawh a awm reng a ni. Hmeichhe tam tak phei chuan a rukin an thianghlimna leh an zahawmna pawh sum it vangin an hralh phal. Nimahsela nang, Pathian mi, chung thil te chu tlansan la, felna te, Pathian ngaihsakna te, rinna te, hmangaihna te, dawhtheihna te, thuhnuairawlhna te um zel rawh. Rinna intlansiakna \ha chu bei la, chatuan nunna chu vuan rawh. (1Timothea 6:11,12.) tih hi vawng reng ang che.

 

By | 2013-11-18T18:16:06+00:00 November 18th, 2013|Categories: Mizo Article, Uncategorized|0 Comments

About the Author:

Leave A Comment