This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

I ram lo thleng rawh se

/, Uncategorized/I ram lo thleng rawh se

I ram lo thleng rawh se

I Ram Lo Thleng Rawh Se

                              

Aizawl 8th Nov. 2013 (Fri) :Jerusalem Temple-a puithiam rualten inthawina an hlan mup mup lai khan, dan leh zawlneite thu famkimna hunpui inthlak hmuakin Baptistu Johana chuan, ‘Sim rawh u, vanram chu a hnai tawh e,’ tia au vin, Messia tan Jordan luiah mipuite simna Baptisma changin an inhawrkhawm tup tup a. Chu hunpui inthlak hmuaka mipui an zik nuai nuai lai chuan ropui taka an nghah Messia pawh Johana hnenah Baptisma chang turin a lo kal a, dan leh zawlneite thu famkimna, Nazareth Isua hmel hmutu Johana chuan, ‘En teh u, Pathian Beramno khawvel sual kalpuitu tur saw,’ tiin Pathian Beramno chu a hriattir a.

          Johana zirtir tam takin Messia hmel an hmu a, an nghah Messia zuiin an pakaisan a. Tichuan Lal Isua leh a zirtirten Judai ram fangin ram chanchin\ha an hril \an ta a.

          Dan leh zawlneite thu chu Johana lo awm thleng khan a awm a, chumi a chinah chuan Pathian ram chanchin\ha hi an hril a. Mitin an lut lui theuh va (Luka 16:16) Lal Isua ruala khenbeh misual khan Pathian fapa hi a hmu tlat a, a thih mek lai khan simna hun pawh a awm tawh lo. Vanram a pawng lak tawp mai a nih kha, Lal Isua’n, ‘Ka hnenah paradise-ah i chawl ve ang,’ a ti tlat a lawm. Tin, piangsualte pawhin Davida fapa, min khawngaih rawh, min kal pel lul suh an tih lawm lawm te kha a lawm vanram an pawng lakna chu. He ram chanchin tha luahna au hla mawi tak chu, ‘Sim rawh u,’ tih a ni. Eng ber nge an sim tur chu ni ta ang le ? An sualnate, an famkim lohnate em ni ang le ? Ni lo ve, Mosia dan leh zawlneite thua Pathian an hriatna tak kha a ni an sim tur chu.

          Sim chunga a hnen pantuteah Pathian ram dinin a awm zel a, Ram neitu Nazareth Isua’n amah zuitute chungah Davida lal thutthleng a \huin Pathian ram thu a tinghet a, natna tinreng neiten damna an chang a, amah chuMessia a ni tih hretuteah Pathian ram thiltihtheihna, chhinchhiahna chuan tihdamin an awm a, Mosia danin a phuar, pharte, piangsualte leh ramhuai mante thlengin Messia hnen an pan a, Lalin ro a rel a, tihthianghlimin an awm a, chhuah zalenin an awm ta zel a nih kha. Pachhiaten chanchintha hril an dawng ta, Nazareth Isua a kal a ni.

          Chutih lai chuan Mosia dan zawm thlap tute leh inthawina chawi vul tlattute erawh chuan an sim ve thei tlat lo. Puithiam lal leh pharisai rualte chuan tihhlum theihna tur zawngin rorelna sang ber (Sanhedrin) chuan tih boral a remti a, remchang hmasa bera tihhlum turin thu an dah ta a.

          Lal Isua ngei pawh khan, a ram din chu  an duhdawn lo va amahngei Kros-ah khenbehin a awm dawn tih a hre sa a, Pharisai hote hmaah an nghah leh beisei Pathian ram chu an hnen ata laksak a ni ang a, a rah chhuah tur hnam hnenah pek a ni ang (Matt. 21:43) tiin fiah takin a sawi tlang a. Pathian tak chauh leh a tirh Isua Krista an hriat theih loh avangin Lal ram neitu chu Kros-ah khenbehin a awm ta a, a thi a, phumin a awm a, tuk thum tukah a tho leh a, a thawhleh a\anga ni 50-naah Thlarau Thianghlim lo thlengin khawngaihna chanchin\ha (Khawngaihna hun)chu hun rei tak a lo inherchhuak ta a. He chhandamna chanchin\ha au hla laimu atan chuan, “Isua in khenbeha ngei kha Pathianin lal leh Krista ni fawmin a siam ta tih Israel hnam tinin hre mawlh rawh se, Lalpa Isua ring la, tichuan chhandamin i awm ang, nang leh i chhungte nen,” tih chu a thu ken, chhandamna, Thlarau Thianghlim chan theihna, a mi nih theihna chu a ni. Nun hlui kalsana Isua Krista rinna a pan tute chuan Thlarau Thianghlim chu changin, mi sang tam tak chhandamna huanga seng luhin kan awm ta.

          He khawngaihna hun reitak pawh chu tluksannain a la tawp dawn a ni tih kan Bible chuan chiang takin min hrilh a, chu hun thim a chengte a\ang chuan hnam Israel-te’n an hnawl lalram, Pathianin a laksak a, rahchhuah tur hnam hnena pek a tiam kha, he kan ramah ngei hian pekin kan lo awm ta a. Chi thlan, lal puithiamho, hnam thianghlim atan ram luahna, ram chanchin\haah min hring ta, hun rangkachakah kan Lalpa hian min hring ta, lawmin amah i chawimawi ang u.

          He Thlante lalrama a inpuanna hi chiang takin Thupuanah min hriattir a, khawvel zawng zawng chunga fiahna hun lo thleng tur laka humhim a tiam chu Philadelphia Kohhran ngei chu a ni. He Kohhrana Lalpan a thutiam hi chik taka i en chuan Lalram thuneihna a enkawl a ni tih i hre thei ang. Tupawh a nunna humhim duh chuan a chan ang a, a nun chantu erawh chuan a hum him ang.

          Thlante lalram thuruk chu keini thlante hi pekin kan awm ta a, he lalram luhna au hla chu, ‘A hnehtu apiang,’ tih a ni a, thlante \awng chuan Pathian Thuthlung leh Thlante Kalvari tih hi a ni. Pathian hun ruat khawngaihna kawlkil tawpa dingte, sinthuahna (Taksa Tlanna) thuthlunga a buatsaihteah chuan rukru angin khawvel kristiannain a hriat ve loh, kan hnenah puanin a awm ta. A mite a enkawlna thuruk chu i lo en teh ang. “Ka lo kal thuai dawn e, tuma’n i lallukhum chu an laksak loh nan che i thil neihsa kha vawng tlat rawh. A hnehtu apiang chu ka Pathian Biak inah banah ka siam ang, chuta \ang chuan an chhuak leh tawh lo vang. Tin, an mahniah chuan ka Pathian hming nen, ka Pathian khua Jerusalem thar ka Pathian hnen ami van a\anga lo chhuak tur hming nen, ka hming thar nen ka ziak ang (Ka chenchilh ang) Thup. 3:11-13. Lal Isua’n a ti a nih chu, a va ropui em ! A hming thar nen min lo chenchilh reng a nih chu. A hming thara awmpui kan lo ni ta mai hi a makin a ropui a ni. Lal Isua hming thar hi kan mit hmuhah a mak a ni. Angelin khawvel tan a hming a rawn sak chu, ‘A hmingah Isua i sa tur a ni.’ (Luka 1:31)

 

By | 2013-11-11T14:54:19+00:00 November 11th, 2013|Categories: events, Uncategorized|0 Comments

About the Author:

Leave A Comment