This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

Hmangaih Johana

Hmangaih Johana

   Keini min pawlna chu Pa leh Fapa Isua Krista  pawlna a ni tawh reng si” (I Joh. 1:3)

 A chanchin kan ziah tur hi zirtir 12 te zinga pakhat, Isua hova zanriah hnuhnung an kil zan pawha Isua awm ngheng ngattu kha a ni. Isuan Petera a koh fal tum pawha rawn zuitu, Peteran, “Hemi hian enge a tih ve dawn?” an tih deuh sak pek kha(Joh. 21:24). Isuan a hmangaih deuh bik riau nia hriatna a awm avanga Hmangaih Johana an tih thin chu a ni.  Isua zirtirte kha mize inang lo pui pui an ni hlawm a. Johana hi chu, mi rilru fim, thlarau mi tak mai leh hmangaihnaa khat tlat a ni tih a lang a. Matthaia, Marka leh Luka te chuan Isua chanchin hi History angin an ziak tlangpui a, Johana erawh chuan: A tirin thu a awm.. an ti tan a. Isua Pathianna tak  tak hi  bul tan nan a hmang nghal a.  Johana thinlungah chuan Pathian mihringah a lo chang tih emaw  Pathian leh mihring nih a fawm tih vel hi a lang lova. Amah mihring Isua ngei kha Pathian Fapa mal neihchhun, thu chauha min an hriat thin kha hmuh theihin tisaah a lo chang a, kan zingah a lo awm ta a ni, a ti  hmiah mai a; a hlutdan a danglam  bik em em tih loh rual a ni lo. Awm tan ni nei lo, Puithiam lalber Melkisadeka, Abrahama pawhin sawma pakhat a pek thin, Salem lal kha Nazaret Isua hi a lo ni reng mai si a. Thlalera lungpui, Israel faten tui an tlakchham laia Mosian tui a vuakchhuahna lungpui ngei kha he Nazaret tlangval hmeltha hi a ni. Ani chu Abrahama awm hma pawhin a awm tawh a. Hnam thlan Israelte’n thu chauha an hriat thin, hmuh theih loh Pathian kha tisaah a lo chang ta a ni.

 

          “Eng tak mitin tieng thin kha a awma khawvelah a lo kal mek a ni,” a han tih te hian thinlung thim a chhun eng nghal a. Han chhiar hian  Nazaret Isua hmel chu tunah pawh hian thlarau mitin a hmuh theih nghal  tlat. “Pa Fa mal neih ropui angin a ropuizia kan hmu, khawngaih leh thutakin a khat,” tia thu a han dah phei hi chuan thlarau lam hlutna ava han nei sâng tehlul em! Miten thingrem siamtu fapa ni maia an hriat leh Juda sakhaw hnarkaituten thingtlang tlangval ni ve maia an hriat  kha Johana hi chuan chutiangin a hmu ve tlat lo. Amah Johana thinlungah chuan Nazaret tlangval hmelah khan Pathian hlimthla a lang kulh mai a, a mitmeng leh awka ah te chuan khawngaihna leh thutak a inphum a. A che vel tinreng chuan Johana thinlung chu a chhun en avangin ‘Eng tak’ angin a zu hmu thin a ni ngei ang. Johana mita Lal Isua  mawi turzia hi tuman an sawifiah thiam lovang.

 

          Zan reh tak maiah Juda zirtirtu, Pharisai zinga mi Nikodema a lo kal a.Chu Nikodema chuan hrechiang inti awm fahranin, ‘‘Rabbi, Pathian hnen ata zirtirtua lokal i nih loh chuan heng thilmak i tih ang hi tuman an ti thei lovang,’’ a ti a. Hetianga Nikodema’n  fakna ri nena  Lal Isua a han dawr lai te hi Johana chuan khabe dawm meuhin a lo  thlir ngei ang a, hre lo ava han ti dawn chai chai em! Hmangaih Johana chauh hian Lal Isua leh Nikodema indawrna thu hi a ziak a. Zanlama thil thleng a ni a, ziaktu dangte hi chu hmun dangah awmin amah Johana chauh hi Lal Isua hnenah a riak ve a ni thei ang. “I piangthar tur a ni” a tih lai te hian Johana hian a hrethiam bik ang em le? Hrethiam tehreng e. Amah Isua Krista, Pathian mi tirh zuk hriat chian kha alawm piantharna chu. “Hei hi chatuan nunna a ni, nang Pathian tak chauh leh I tirh Isua hriat hi” (Joh. 17:3).

 

          Samari hmeichhia leh tidamtu indawrna te hi thlarauva tuihal tan chuan tun thlengin in tur  tak a tling. Thui loh kawr ha chung a Jerusalem leh a chhehvel a fanlai hian, chhun pachangah he Samari hmeichhia nen hian an intawng a ni a. Jakoba tuichhunchhuah a tui chawi turin he hmeichhia hi amah chauhin a lo kal a. Fehrehsan lai anih avangin a rehin ni a sa vawl vawl a. Tumah pawh hmuh inbeisei lo pasal lem panga lai nei tawhtu khawhar tak si hian tidamtu chu a hmachhawn ta a ni.

 

          An inbiaknaah hian Samari hmeichhia hian a rilrua a vei thin, a lo innghahna ruk chu a sawi ta a, “Messia, Krista an tih chu a lo kal dawn tih ka hria, ani chu a lo kal hunah engkim min la hrilh ang,” tiin. Chu veleh tidamtu pawh a inzep zo ta bik lova, a hma zawng pawha ala sawi loh a zirtirte lakah pawh ala zep tlat chu hrilhin, “Keimah a betu che hi amah chu ka ni asin.” Chu hmeichhe thinlungah chuan ava ri danglam dawn em! Keimah a betu che hi i nghahhlelh ngawih ngawih (Messia) chu ka ni! Chu hmeichhe nun chu a danglam zo ta! A tuihalna ngei chu a in ta! Tihdamin a awm ta! A mamawh zawng zawng a kim ta! Lalpa chu a tawk ta si a. A beisei ang ngeiin engkim a hrilh ta a ni!

 

By | 2013-09-27T14:47:07+00:00 September 27th, 2013|Categories: Mizo Article, Uncategorized|0 Comments

About the Author:

Leave A Comment