This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

HNAHLAN-A TIDAMTU INLARNA

//HNAHLAN-A TIDAMTU INLARNA

HNAHLAN-A TIDAMTU INLARNA

HNAHLAN-A TIDAMTU INLARNA – Lalpianga, Khawzawl

 
Hnahlan unaute’n, “Lo zin teh unauthar kan nei a, tuihal an la tam bawk si, kan ngai lutuk che a nia,” an han tih chuan, kei lah chuan ka saruakzia pawh hre chang lovin ka lo chak ve em em ringawt a. January ni 13(Sunday) hmangin unaupa Pa Biaa nen kan inzui chhuak ve tawp mai a. Hnahlan unaute’n phur takin min lo dawngsawng a,

unauthar an neih hlim a ni bawk a, an hlimin an hmel hmuh a nuam kher mai. Khaw vawh vanglai a ni bawk a, vur a tla var uaih thin. Zanah chuan unau thar Pu Laldingngheta inah inkawm khawmna neiin, tapah meipui kan kil bial laih a, unaute’n an mamawhna zawnah sawi ho tur an rawn siam thin a, hun ruk leh hun sarih inthen dante, Nova lawng tuk thuthlungte, Kanan luahna thuthlungte kan sawi ho va, Lalpa’n kan inpawlkhawmna boruak mal min sawmsak a, thu ho te ni a kan ngaih tawh te chu unautharte tan chuan chaw tui tak a lo ni ta zel a, an lo hriatthiam lohte pawh Lalpa’n engkim min hrilh fiahsak a, a nuam kher mai. Nu leh pa ber Pu Sangmawia’n Lalpa leh a kohhrante inkhawmnan a pindan bang mawi taka a lo siam ngheh tawhte pawh thiatfai vekin. Lalpa tan hmun a kian tawp mai a, a in pekna a ropui bawk a, Thlarau Thianghlim pawh a inlar nasa hle mai. Zai a nuamin chhimtute pawhin nuam an ti em em a ni. Kei lah chuan eng dang sawi lo chuan Krista tih hlum tawhte leh khawvela nungte kan inan lohzia sawifiah nan Tlingi leh Ngama thawnthute kha ka sawi a, khawvel mite nen a kan thil hmuh dan inan tawh loh ziate, mawi kan tihte, ropui kan tihte, tui kan tihte a danglam vek a, tui kan tih em emte hi an tan chuan hnahthel ang lek an ni a, anni’n ropui an tihte kha kan tan chuan hnawmhne ang lek a ni bawk si. Heng hi an sual vang pawh a ni ngawt lo, kan awmna a in an loh vang a ni tihte ka han sawi chuan, “Ka fiah ta vek mai, kan lo hriatthiam loh kha Tlingi leh Ngama thawnthu khan a ti chiang vek mai” an ti a sin.Thil tlawm takte hmanga inpuan hi Lalpa zia a lo ni e. Inkhawm banah unaute nen Biakbuk hmun turte kan han en a, a hmunte a fuhin a  thengthaw nuam kher mai, Hnahlan khawchhung nen a in ep tha bawk a, a lungawithlakin he hmun kan nei thei ringawt pawh hian Hnahlanah chuan thu a sawi ring teh a sin. Zan inkhwm chu boruak a dang leh ta daih mai, kan zai tui em em a, kan zai thawmah mi lunglengte an lo tlan lut, Pathian ram chanchin i hril ang u, hla in kai harh ila. Thusawi pawh a lo ni ber lo, hlaah hian Lalpa hi inpuan a lo va duh tehlul em! Hemi zan hian chatuana kan then tawh loh turin Pu Chhanhimate nupa leh an fate pathum kohhranah lawmluh an ni a, anni hi Sabath serh thin an ni. Thu lam a tla vak lova, kan zai ta tluk tluk mai a, ka thinlunga hla nung reng thin Thlarau Thianghlimin min chhinchiah ve na hla “Lalpa beram hote chu Hlimtakin beram huangah himin an awm,” tih leh ka la sawi chhuah ngai em em loh, Lalpa’n min pekdan sawi pahin ka thlang nghal a. Naupang te kekawr pawh ha lo, puan veng mai mai kan la nih lai hian, kan khua ah hlimna a lo thleng a, a bik takin naupanghoah a tla na em em a, khuang nen mualte kan fang a, kan lam nasa em em mai a, chung hun lai chuan hlabu chhe tawh tak phek tamtak tla then tawh hi ka nei ve a, he hlimna hian hla ken a nei a, chu chu, “Pathian min hmangaihna ava ropui em, mi rethei nung tlak lo mal min sawm fo thin,” tih hla hi a ni.Ka duh thei em em mai a, kan hlabu ah lah chuan
zawnawlna a awm tawh lo va, ka zawng thiam bawk si lo. Vawi khat chu mual kan fanna-ah rual u deuh pakhat hian hla a rawn thlang a, No.33-na, “Pathian min hmangaihna a va ropui em !” tih kha a number nen a rawn sawi a, kan tin darh hnu chuan hlabu chhe tawh tak chu ka han keu va, No.33 naah chuan ka hla duh em em mai chu ka hmu ta, ka lawm lutuk chu kan kawmchar, char chhawng a ka pa tawngtaina thinah chuan ka chhuak phei a, ka hlabu chhe tawh tak chu ka pawm vawng vawng a, heta tang hian he hla hi ka thinlungah a reh leh tawh ngailo, a nung reng thin.
He hla kan han sa zet chu Thlarau Thianghlim a inlar ropuiin kan tawp hlei thei lo, a hnua hla dang kan sak leh pawhin a nuam chho em em zel a, hla hnih vel kan sak hnuin, kan unaupa pakhatin he hla bawk hi a rawn thlang leh a, kan sa bang thei lo, kan thawmah khan tumah an muhil thei bikin ka ring lo. ‘Ngaiteh, an ri a va mawi em! Ni ropui lo thleng lawmin,’ tih kan han sate chu, a ngaihnawm a sin. Kham lo tak chung a chairman in banna a lo siam hnuin, chhimtute zinga mi, zu ngawlvei pakhat, kan zinga tel ve reng thin chuan inthlahrung takin, “Hla pakhat tal min thlantir ve rawh u,” tiin “Pathian min hmangaihna ava ropui em !” tih bawk chu a rawn thlang ve leh a, hemi zana he hla hmanga Thlarau Thianghlim inlar hi a ropui tak zet zet a ni. Lalpa’n ropuina zawng zawng chang rawh se.

 

 

By | 2013-07-09T02:33:59+00:00 July 9th, 2013|Categories: Uncategorized|Comments Off on HNAHLAN-A TIDAMTU INLARNA

About the Author: