This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

Tam a tla mêk a, pûr chawkna tur i hria em ?

/, Uncategorized/Tam a tla mêk a, pûr chawkna tur i hria em ?

Tam a tla mêk a, pûr chawkna tur i hria em ?

 He khawvel hun hmawr tawh tak ah hian, sakhaw kristianna leh tluksanna tuipui fawn vel chuan khawvel hi a chim mup mup a. Hnam Israelte pawhin Messia chu tahna bang zutin an la nghâk a. An zawn chu an hmu dawn si lo a ni.  Engtin nge ni ta ang le?Israel mite chuan an zawn chu an hmu lo va, Thlante erawh chuan an hmu a, a dang zawng zawngte chu an chawlawl zo tawh a. “Pathianin vawiin thlengin an hnenah mutthlukna thlarau a pe a, hmuh theih lohna mitte, hriat theih lohna bengte nen.”  (Rom 11 : 7-8)  Hnam Israelte Pathianin a kalsan a, an hnena chanchintha a tiam chu hnam thar hnenah a sawn tlat avang in, thlansa phul kaiin Pathian chu au thin mah se la, auh ei tur a awm tawh si lo.

 

           Josefa hunlaia khawvel pumpui ah tam a tla ang mai khan, tunah hian tam a tla leh ta mêk a. Tam a lo tla kan tih hian buh leh bala tamna (Famine) chu a ni lo phawt a, Amosa tarmit kan bun chuan, Lalpa Ni lo thlen dawnah, chawa tamna ni lo, Lalpa thu hriat châka tamna a lo thleng dawn a ni tih min hrilh a, ‘Lalpa PATHIAN thu chhuak chuan, Ngai teh u, nîte chu a lo thleng mêk a ni; chûng nîahte chuan ramah chuan \am ka tîr ang a, chaw tamna ni lovin, LALPA thu hriatna tamna zâwk chu’ (Amosa 8 : 11).

 

           Kan Pathian thu hriltute, Evangelist te, Upate leh Pastorte hian an zir chhuah leh an hriatna khawlkhawm  atang nilo, chung lam atanga an dawn thutakin beramte chawmna tur an nei tawh lova, a thing herlum leh midangte ta kharchhawn mai loh chu mipuite pek chhuah tur an nei tawh lo. Zofate hi thlarauah kan tuihal em em a, thlarau mi nia kan hriatte chu kan ngaisang thin hle a ni. Chu mai a ni hlei nem, thlarauva zai mite pawh kan bawh huam huam thin a nih hi! Mipuite tuihal tulhtu tur hi an va han vang tak em !      

 

          Manasea & Ephraim :  Manasea hi Josefa fapa upa zawk a ni a, Ephraim a hi a naupang zawk a ni. An pa Jakoba a thih dawn khan a upa tawh hle a, a mit a fiah tawh lova, Josefa chuan a fapa pahnihte chu rawn hruaiin, a pa Jakob-an mal a lo sawm sak anih kha.


           Jakoban a tute mal a sawm dan hi thil mak tak mai a ni a, a Bân dah kawkalhin, a kut veilam chu Manasea lu chungah a dah a, a kut dinglam erawh Ephraima lu chungah a nghat a. Hei hi Josefa ngaihdan a ni lo hle a, Manasea chu fa tir a ni si a, “Ka pa, hetiang tûr a ni lo: hei hi asin fa tîr chu ni, i kut dinglam hi a chhîpah nghat zawk rawh,” a ti a. Nimahsela a pa chuan a duh lo va, “Ka hria e, ka fapa, ka hria e: ani pawh hnama sawi thamin a awm bawk ang a, ani pawh a ropui bawk ang: amaherawhchu a nau hi a aiin a ropui zâwk ang a, a thlahte pawh chi hrang hrang tam tak mai an lo la ni ang,” a ti a.

 

           Hei hian min kawhhmuh pawimawh tak a nei a, fapa pahnihte hi Zawlnei Zakaria lo sawi Olive thing pahnih, hnam thlan pahnih entirna niin, lei pumpui (khawvel pumpui aiawha) Lalpa kianga ding thinte an ni (Zak. 4 : 11 – 14).

 

           Hnam thlan hmasa zawk chu Israel hnam, dan leh inthawina thuthlunga koh chhuah chu a ni a, fapa naupang zawk erawh chu Bân ban kawkalh, Krista Kraws thuthlunga koh chhuah, chakna ni lo, thiltihtheihna pawh nilo, ka thlarau zawkin le, tia Thlarau Thianghlim hruai chu a ni a. Chu ngei chu chi chhe thei lo (Krista thisena piang), hnam thianghlim, khawvel hnam bik (Adama thisen) tel tawh lo chu a ni.

           Kut veilam malsawmna changtu, fapa upa zawk, hnam Israel chu Krista kraws thuthlungah chuan a naupang zawk ang a, ram chanchin tha (Krista Lokal Lehna Kum Sang Lalram)  chu an hnen ata laksakin, Josefa anga malsawmna ni tura buatsaih, Cedar thing, Lal Davida pawhin  hnam siama lo la awm tur a tih hnenah chuan ram chanchin tha chu pêk a ni ta. Khawkhen kum pawh pawisa lo, rah chhuah thulh chuang ngai lo ang a Lalpan a din chhuah mêk chu a ni si a. He hnam naupang zawk hi a u in a thik tur thu kan hmu a, “A nih leh, Israel miten an hre lo vem ni? “Chia sawi tham lohte chu hmangin ka thiktir ang che u a; Chi fing lote chu hmangin ka tithinur ang che u,” tiin, Mosian a sawi hmasa ber. Tin, Isaian huai takin, “Mi zawng lote hmuhin ka awm a, Mi lam lote hnenah hriattirin ka awm,” a ti a. Amaherawhchu Israel mite thu-ah chuan, “Mi tihmawh leh hnialhratte tan Nilengin ka bante ka phar thin kha,” a ti a (Rom 10:19 – 21).

 

           Chu hnam thar hnenah chuan Israelte ngei pawh mupui thla khinghnih (Thlawhna) pekin, thlaler hmuna Lalpa zawnchhuah ramah hian an lo la kal ngei ang. ‘Chung  niahte leh chumi hunah chuan Israel fate chu an lo kal ang a, anmahni leh Juda fate nên; tap chungin an lo kal ang a, LALPA an Pathian chu an zawng ang; tih hi LALPA thu chhuak a ni. Zion lam hawiin an penna tûr an zawt ang a, “Hawh u, chatuan thuthlung theihnghilh tawh loh tûrah chuan LALPA chu rawn vuan rawh u khai,” an ti ang (Jer. 50 : 4 – 5).

 

           Hnam thlan naupang zawk chungah chuan, Lalpa mit chu kum thar atanga a tawp thlengin a fu reng thin a, khawvel (Adama thisen) atanga koh chhuah Kanan ram luahtute chu an ni. “In va luah tur ram chu, in lo chhuahna Aigupta ram, thlai huana chi in tuh a, in kea tui inleih \hinna ang a ni lo va:         in va luah tur ram chu, tlâng te leh ruam leh van ruahtui dawng ram ani zawk a. LALPA in Pathian zawn chhuah ram ani a; LALPA in Pathian mit chu kum thar a\anga a tawp thlengin a fu reng \hin (Deut. 11 : 10 – 12).

 

           Chu hnam thlan chu an koh apiangin an Pathian chuan a chhang thin a,  Kan koh apianga  LALPA kan Pathianin min hnaih anga anmahni hnaih thin Pathian nei hnam ropui tunge awm ve? (Deut. 4 : 7).

 

           He hun tlai tawh takah hian, chu ringtu diktak chu a ropui vut vut dawn lova, ropui a hnekin Josefa anga dawta sual tinrenga hek tur, inkhawmna inah te hnâwnga; sakhaw mite chuan an chungah thihna hial an thlen pawhin, Pathian laka thil tha ti ah an inngai hial zawk dawn a. Khawvel dana a tam lam (majority) pawh ni lo, ‘sawmte chu tam tak, thlante chu tlemte,’ tia Lal Isua lo sawi hi a dikna a lo thleng dawn a ni. Chu hnam naupang zawk hmang chuan Lalpan ‘Khawvel tana Malsawmna’ a dah tlat bawk si a. Hun hnuhnunga Josefa avang hian thlarau lama tam a tlak lai pawhin Zofate’n ei tur kan nghei dawn lo a ni. I awmna ah tam a tla tih i hria em ? I hria anih chuan, pur châwkna tur i hria em le ?

 

 

 

By | 2013-04-14T09:16:51+00:00 April 14th, 2013|Categories: events, Uncategorized|0 Comments

About the Author:

Leave A Comment