This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

Isu, Davida fapa min khawngaih rawh

/, Uncategorized/Isu, Davida fapa min khawngaih rawh

Isu, Davida fapa min khawngaih rawh

          He dilna tlawm tak mai hian  rilru a khawih dan hi a dang riau  a. Tidamtu khan Palestina ram dung leh vang a fan lai khan mipui innek nulh nulh karah he mitdel mangang tak hian a thinlung zawng zawngin Davida fapa hi a au ta a ni. Bibleah chanchintha ziaktu pathumte hian tumahin he mitdel  hming hi an ziak lang lo va. Marka ziakah erawh chuan Timaia fapa, Bartimaia a ni tih kan hmu(Marka. 10:46).

             Jeriko khuaah mitdel kutdawh rethei tak mai hi a awm a.Khawvel eng leh tlang hring dup mai te, rawng chi hrang hrang hmanga Pathianin leilung a cheimawizia te hi a hmu ve ngai bawk hek lo. Pangpar mawi takte’n siamtu kutchhuak an nihna tarlang tura an mawina leh rimtuina an phochhuahte hi suangtuah pawh a suangtuah thiam hek lo. Chung zawng zawngte ai chuan a riltam mangang chuan amah khawngaihtuten eitur tlem te te, a no bal tak chhunga an thlaksak thin chu a lungkham ber a. A chang erawh chuan a hminga mit nei ve ta chuan  han men chhuah phut châk chang chu a nei ve ngei ang. Chu pawh chu vawi khat te mah ala experience ngai loh thil anih avangin a enghelh buai peih tawh lovang. Amah hringtu a nu leh pa pawh ala hmu ngai lova, a u leh naute pawh ala hmu ngai hek lo. Chuvangin mihring leh rante pianzia tur pawh a suangtuah thiam chuang lovang. He mitdel hian a benga ri a hriat thinte chu a hmuhna a ni ve mai mai a, chubak chu hma han sawn vak ngaihna a awm loh miau avangin, a kain thil tui a hriatna bak chu chen tur a nei lo a ni.

             Chutih lai chuan tidamtu thawm a hre ta thut mai. Miten an zui huai huai a, a chanchin an sawi te chuan a beng a verhin beiseina sang tak nen, “Isu, Davida fapa min khawngaih rawh,”tiin a au ta chiam chiam mai a ni. A kianga ding a au thawm hretute chuan an khap a, mahse an khap zo chuang lo. Uar lehzualin, “Isu, Davida fapa min khawngaih rawh,” a han ti leh piap piap a. Mipui innek nulh nulh leh bengchheng mur mur karah pawh tidamtu chuan chu mangang authawm chu a lo hai hauh lo mai. Lei lal zawng nise he mitdel hian ngaihsak a hlawh hauh lovang. Nimahsela Nazaret tlangval hi zawng chutiang a ni lova, riangvaite hnena chanchintha hril tura lokal a ni zawk a. Mi chanhai te, mi bawrhsawm te, mihring zinga chanvo nei pha lo te, mi endawngte lam tura lokal a ni tlat.  Vawi khat te mah mite ngaihsak la hlawh ngailo khan khawngaih leh thutaka khat Pathian fapa aw mawi tawp chu a hre ta, “I chungah engtia ka tih nge i duh? ”tiin. Ani chuan, “Rabboni, hmuh theih ka duh,” a ti a. Chuveleh Messia chuan, “Hmu thei tawh ang che,” a han ti ta mai a. Thawklehkhatah a hmu thei ta nghal a, Pathian fak chung zelin  amah chu a zui ta a.

             He mitdel chunga thil thleng hi ava ropui em ! Mitdel lo chuan a ropuizia kan suangtuah phak lovang. Isua tihdam anih avangin mi pangngai angin a hmu fiah awm si a. Vawilehkhatah khawvel ropuina leh mawina a han hmu anga, mak ava ti dawn em! Chu mai ani hleinem, Pathian fapa mal neihchhun, khawvel sual kalpuitu tur hmel pawh midang aiin a hmufiah zawk daih awm si a.Tidamtu hian a lei mit chauh ni lovin, a thlarau mit pawh a tidam ngei awm si a.

             He  thu ka ngaihtuah lai hian mitdel piangsual ni ve hauh lo, amah Isua pawh en thlithlai rengtu pharisaite hnena  Lal Isua thusawi hi ka rilruah a lo lut leh thin. Piantirh atanga mitdel Lal Isuan a han tidam ta mai hi pharisaite hian an buaipui em em a. Chutih nak alaiin, “Rorel turin he khawvelah hian lokal ka ni, mitdelte an mit alo varna tur leh mit varte an mit alo delna turin,” a han ti pek anih chu. Chu thu chuan thin a khei zak mai a. “Keini pawh hi mitdel kan ni ve e lo?” an ti a. Isuan, “Mitdel in nih chuan sual in nei lovang; nimahsela, ‘Kan hmu thei e’ tunah in ti si a, chuvangin in sual a awm reng a ni,”( Joh.9:40, 41)a ti a.

            Kei pawh thlarauva ka mit a del lai chuan Pathian hi ka hre em em a, ka sakhawmi em em bawk a. Mahse thlarauah Krista chu ka hre der si lo.  Hmu hle hian ka zu inhre thin a, mahse thlarau chawlhna ka thleng thei si lo. Sunday ni te hian Pathian rawngbawl intiin zing atanga tlai thleng rakin chaw pawh ei hman lo deuhthaw hian ka buai thin. Miten min fak a, min chawimawi bawk a, min zah bawk a, mahse Krista ka nei si lo. Zaipawlah te ka inhmang nasa em em a, engkimah Krista hming kan lam a, mahse Krista chu kan hmangaih si lo. Henglai hun zawng zawng hian  a rawng ka bawlsak thin chu Biakmawia hi alo ni. Tunah erawh chuan Kalvaria thihna mak tak chu ka lo chang ve ta, Krista chu keimahah  alo nung ta zawk a ni. Bartimaia chanchin ka chhiar te hian Bartimaia ni tlat te hian ka inhre thin. Bartimaia khan mitdel a ni tih a inhria a, a mit ti var turin Davida fapa a au a ni. Kei pawh e, ka kristianna zawng zawng hnuchhawnin Krista hi ka zawng a, mi min hmuhsitna tur pawh pawisa lovin, “Isu, Davida fapa min khawngaih rawh,” tiin thlarauah Krista chu ka au va, ani chuan mitdel min tidam ta a ni. Amah ka hriat loh lai pawha chaw nghei huama ka tleirawl thinlung pek ka chak ngawih ngawih thin, mahse mitdel ka ni tih ka hriat loh avang zawka ka hmuh theih hauh si loh chu Sadhu Sundar Singha hnena a inlar ang mai khan ka hnenah a rawn inlar ta a. Ka Lalpa chu kum 1980 khan ka hmu chiang ta.

             Keimah ang hi an va tam dawn em ka ti thin. Rinnaa kal lo hian rinthu mai hian ka lo kal thin a ni. Camping naah te kalin vawi tam tak ka inhlan piangthar thin a. Chhandam nih inhriatna ah te khan kulh nghet tak ka lo din ve tawh thin asin. Mahse khang zawng zawng kha tunah chuan ka hrechiang tawh, thluak hnathawh mai a lo ni. Khang hunlai khan thlarau lainatna te pawh kan nei ve tho mai. Crusade ah nise counsellor-in kan awm thin ani. Tunah erawh chuan aman min nei ta. Thlarau Thianghlim chuan min chang ve ta. Lal Isuan, Thlarau Thianghlim alo thlen hunah chuan kei nangmahnia ka awm te nangni keimaha in awm te in la hria ang, alo tih tawh ang chiah khan Krista chu keimahah hian a lo nung ve ta tih hi hai rual a ni lo. He thil a lo thlen hma kha chuan Pathian thutak hian ka thinlung hi a zu fan ve thin a, mahse Pathian ram chu ka thinlungah a indin hauh si lo a ni.

             Krista nangmahah  a lo nun tak tak chuan  ‘Ka pa’ tiin i be mawlh mawlh mai ang. Rum sawi hleih theih lohva tawngtai saktu che i nei tih i hre thin ang. Lei hmelma ten an khenbeh lai chein , “Lalpa nangin engkim i hria,” i ti i ti mai ang. Lalpa chu fakin awm rawh se.

                                                                                                                                                           

By | 2013-04-04T17:20:27+00:00 April 4th, 2013|Categories: Mizo Article, Uncategorized|0 Comments

About the Author:

Leave A Comment