This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

Ringtute thawhlehna chi thum

/, Uncategorized/Ringtute thawhlehna chi thum

Ringtute thawhlehna chi thum

 

RINGTUTE THAWHLEHNA CHI THUM

 THAWHLEHNA THUCHAH
                                                                                                   – Lalthanga, Champhai

 

        “Thawhlehna hmasa bera telte chu an eng thawlin an thianghlim ani; chungho chungah chuan thih hnihna chuan thu reng a nei lova, Pathian leh Krista puithiamte an ni ang a, amah nen kum sangkhat rorelin an awm zawk ang” (Thupuan 20:6)

         Awle, vawiin a kan sawi tur hi ringtute thawhlehna chi thum a ni a. Thawhlehna hi ringtu te nuna thil pawimawh ber a ni kan ti thei ang. Thupuan bung 20:6 ah khan thawhlehna hmasa a sawi a. Thawhlehna hmasa a awm chuan Thawhlehna hnuhnung a awm dawn tih a chiang a. Tin, hei bakah hian he taksa damlai ngei hian thlarauva thawhlehna a awm bawk a ni.

 

THLARAUA THAWHLEHNA : Thlarau a thawhlehna hi kros zara kan chan, Krista thawhlehna kan \awmpuina leh thawhlehna thiltihtheihnaa thuama kan awmna chu a ni. Pathian thutak, Kros thuruk chu kan tisa bengin a han hre phawt a, thinlung kawngka ah lo lutin nasa takin thinlung a  fan a, chu veleh Adama a\anga kan rochun nihna sual leh tihsual te thlengin min hriattir a. Thiamloh chang, boral mai tur kan nihzia chiang takin min hriattir a ni. Tichuan, manganna hmunah min hruai thlenga chhantu ngai ngawih ngawihin Lalpa kan au thin a ni. Thlaraua tuihalna chuan min bual a, sakhi luite tui chaka a thaw huam huam ang mai in kan nun hi a vân ruai \hin a. Chutiang dinhmun manganthlak taka kan awm lai chuan amah zawngtute hnena inpuang \hin Kros hnathawh chawllo chuan kan khawlohna zawng zawngte chu min tlengfai a ni tih min hriattir a. Thlamuanna famkim Lal Isuan “Keima thlamuanna ka pe a che u” a tih ngei kha kan thlarauah a lo thlenga chawlhna famkim a fapa hmangaih taka ramah chuan min hruaikai ta. Krista thihna hneha thlan ata a thawhleh khan keini pawh pa thinlungah chuan Kristaah kaithawhin kan awm a ni. Thlaraua thawhlehna hi a taka chang tur chuan engkim kalsana mahni pawh inkalsana ngaihven a va \ul em! Tirhkoh Petera chuan, “Hrilh lawkna nghet lehzual chu kan nei a ni, khua a lo vara varparh arsi chu in thinlunga a lo chhuah hma loh zawng chu chu khawnvar hmun thima eng an ngaihsak anga in ngaihsak chuan in ti tha ang,” (I Pet 1:19) a ti a. Varparh arsi chu kan thinlungah lo chhuakin khawvel eng kan lo ni a nih chu. Chu chu a ni Thlarauva thawhlehna chu. Chu Thlaraua thawhlehna sintute chu mihringhlui thihna kros pu in nitin kan thi \hin a, Krista tuarnate chu kan taksaa chhunzawm ve turin he leilungah hian kan inlar a ni.

 

THAWHLEHNA HMASA : Thupuan bung 20 kan chhiar chuan Thawhlehna hmasa a tel turte chu hetiang mite hi an ni dawn tih kan hria-

    (1) Isua hriattirna thu avanga lu tante

    (2) Pathian thu avanga lu tan te

  (3) Sakawlh leh a lem chibai buk lova, an kutah emaw, an chalah emaw chhinchhiahna nei lo te an ni.

 

    Tirhkoh Paula chuan Krista a muhilte an thawh hmasak tur thu a sawi bawk a. Ringtu dik tak, a chunga kan sawi tak Isua hriattirna  thu avanga lu tante, Pathian thu avanga lu tante, Sakawlh leh a lem chibai buk lo leh, Sakawlh chhinchhiahna pu lote, chung mi thianghlim thlana lo muhil tawhte chu tute nge ni ang tih hi ngaihtuah ngun a ngai hle mai. Tun huna thlarau a thawhlehna sina muhilte hi an ni kan ti thei awm e. A chhan chu heng mite hian Sakawlh chhinchhiahna put an duh lo a. Pathian thu avangin an martar bawk a, thih hnu a thlarau chhandamna chauh ni lo, rilru taksa thlarau tlanna famkim sintute an ni si a. “Keini Lalpa lokal thlenga nunga lo la awm rengate hian muhilte chu kan lehkhalh tawp lo ang (I Thes 4:15). Tin, Kristaa thi tawh te chu an tho hmasa ang (I Thes 4:16). Lalpa ngei chu âu thawm nen, vantirhkoh chungnung ber aw nen, Pathian Tawtawrawt rite nen, van atangin a lo chhuk dawn si a. He hunah hian thawhlehna hmasa chu a lo thleng ang a. He hun ropui leh rapthlak tak mai hi sang tam zawk tan lawmna ropui, chhiarsen loh tana tahna ni chu a ni dawn a ni. Khum khata mu chu pakhat kal bopui a ni ang a, pakhat hnutchhiah a ni ang a, chutiang bawkin buh rawtsawmna hmunah mi pahnih an awm ang a, pakhat kal bopui (lak chhoh) a ni ang a, pakhat hnutchhiah a ni bawk ang. Hei ngei hi a ni “MI THIANGHLIM LAWR”  kan tih chu. Unau duhtak, Thlaraua thawhlehna i sin lo a nih chuan he thawhlehna hmasaah hian i tho dawn lo a. Nung dama i lo la awm a nih pawhin hnutchhiah tur i ni dawn a nih chu. Chuvangin Tirhkoh Petera’n a lo sawi Varparh Arsi chu i thinlunga a chhuah hma chuan mite’n hmun thima khawnvar eng an ngaihsak anga i ngaihsak a tul a nih chu. Thawhlehna hmasa, Mi thianghlim lawr a lo thleng ang. Chumi hnuah Setana chu thiltihtheihna nei lovin Tan inah khung a ni ang a. Chutah kum 1000 rorel a intan dawn a. He kum sang rorel hun (kum sang lalram) hi thawhlehna hmasa a thote, sakawlh leh a chhinchhiahna pu duh lote, Pathian thu avanga lu tante leh Isua hriattirna avanga martarte leh Krista a muhilte chauhin an luah dawn a ni. He hun hi kan Bible chuan “Tlang Thianghlim” tiin a sawi bawk a, intihnat reng reng awm tawh lohna Sakeibaknei leh Bawngpate an tlat zana hun tur chu a ni a. Pathian fate zalenna ropui ah chuan hlim tawp hlau lova Krista ho a picnic a ni dawn a, a va hlimawm dawn em !

 

THAWHLEHNA HNUHNUNG : Kum sangkhat (kum sang lalram) a zo ang a, thawhlehna hnuhnung chu a lo thleng dawn a ni. Adama atanga mitthi tawh zawng zawng thawhlehna hmasaa tho ve lote chu thlan ata an lo tho ang a. Chungho tam zia chu Tuifinriata tiauvut ang mai an ni dawn a ni. Mi thianghlim te riahhmun leh khaw  duhawm chu an rawn hual ang a, leiah hian Indona rapthlak ber mai “Harmagedon” chu a lo thleng ang a. Nimahsela, Pathian phuba lakna ni ropui lo thleng chuan sakawlh leh a thu rualpuite chu dimna tel map lovin a nghaisa dawn a ni. Setana a tanna ata chhuah a awm chu amah leh a hote nen chatuan thihna meidilah chuan paih an ni ang. Tichuan, Pathian rorelna ni ropuiah chuan ringtu tak, thlante erawh chu chatuan lalram Beramno envel ramah chuan lutin chatuan chatuanin arsite angin kumkhaw tlaitluanin an eng tawh ang.
   

 

Amen, lo kal ta che Lalpa Isu

 

 

By | 2013-03-27T15:19:22+00:00 March 27th, 2013|Categories: events, Uncategorized|0 Comments

About the Author:

Leave A Comment