This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

Temple Ruangam

//Temple Ruangam

Temple Ruangam

SOLOMONA TEMPLE RUANGAM


          Kum 1991 kum tirah khan Thlarau Thianghlim chuan Dr. L.B. Sailo thinlungah kan ram chhungah SOLOMONA TEMPLE sa turin a hriattir a. A lenzawng te, a san zawng te, a kawngkhar awmzat tur leh a design zawng zawng nen lam hriattir a ni a. Mahse, hetihlai hian a sakna sum tur leh a sakna hmun tur pawh kan la nei lo. Tichuan Kohhran Thianghlim rorelna sang ber Executive Committee chuan phur takin a hmun tur an zawng nghal a. Mualpui ramah Solomon Temple sakna hmun tur chu lei fel a ni ta mai a. Mahse duh angin a zau tawk lova, hmun dang an zawng leh a, tichuan tuna a dinna hmun, Chawlhhmun (Kidron valley) a mi khu kan lei ta zawk a. A hmun atana kan lo ruahman hmasak chu hralh a ni ta a ni.

 AREA :- Temple hi lian tak tur a ni a. A vanglam leh a dunglam awm chuang lova inbial tur a ni a. A dunglam 180ft., a vanglam 180ft., a ni a, tichuan a area pumpui chu 32400 Sqft., tihna a ni. Varandah 30ft., a zauvin a kual chhuak vek ang a, a chhung thlak (Varandah) tel lo erawh chu 120ft. x 120ft = 14400 Sqft. a ni. A chhunglam zau zawng chu bigha khat chiah tihna a ni a. A Varandah zawng zawng hi inkhawm theihna veka ruahman a ni ang a, he Temple hulhliap hi SOLOMONA TEMPLE hulhliap vuah a ni ang.

 
DESIGN :- Kawngkapui 12 a nei a, chung kawngkapui te chu chhim, hmar, chhak leh thlangah 3 theuh a awm ang. Hei hian a lantir chu temple hian hmalam bik a nei lo ang a, chhim, hmar, chhak leh thlang a hawi vek dawn a ni. A Temple kawngkapui zawnah Pillar 4 a ding chho ang, Pillar tin chuan Arsi 7 a keng theuh ang a, chung arsi 7 chu Thupuan Bung 1:20 a a sawi angin Kohhran 7 te, tirhkoh 7 entirna a ni ang. Tin, chu arsi 7 kengtu Pillar ah chuan Lal Isua Krista Kraws lem pakhat theuh leh Kohhran Thianghlim Emblem a chuang bawk ang. Verandah chung a luhna kawtkai lamah hian Vantirhkoh pahnih, van lam hawi zawnga tawtawrawt ham lai dah a ni bawk.

 
          A Temple killi-ah Tower 4 a ding theuh ang a, chung Tower chhip chu a zum chho ang a, a chhip ah lallukhum lem awm bawk ang. a chhip zum hual vel hian a zumte deuh pali a awm dawn a. Temple chung hi Roof Truss-a siam a ni a, a ruhrel hi van lam atang chuan kraws anga lang thei tur ani. Chu chu thuthlung thar entirna a ni ang. A chhungah ban pakhat te pawh a ding tur a ni lova, pindanna bang emaw, puanzar emaw pawh phal a ni lovang, hei chian indaidanna puan zar Krista Kraws-in alo tihthler tawh chu a entir a ni.(Matt. 27:51; I Pet 2:9) Tukverh 32, Ventilation 32 leh Sky light 32 a awm bawk ang. Temple hi chhawngli a ni a, a chhawnglina hi Temple chhuatah hman a ni. Mithiamte ruaiin wind force, earthquake etc.lo thleng thei laka ding zo tura cement proportion leh iron re-inforce vek a ni a. Roof Truss pawh hi, Krishkon Company ruaia siam a ni a. Tata Iron and Steel vek hmangin Kolkata-ah readymade manufactured Aizawl-a assembled a ni. A main structure hi computerized vek a ni bawk. A velin thing phun a ni a, chhungtinin Family Tree an phun a ni. Tin, sava leh Thehlei ilo ten an tlan duh chi thingrah theite pawh phunin rannungte tan paradise siam nghal a ni bawk.

 
FINANCE :- Solomona Temple sak nan hian 5 crores ruahman a ni a. Furnishing nen chuan a thaw deuh mai thei. Kum 20 chhunga sak zawh tura ruahman a ni a, tunah hian kum 18 (1995-2013) a ni tawh. A sakna sum hi Kohhran Thianghlim member-te thawhkhawm bakah mi thahnemngai ten an rawn thawh tel bawk. Ram dangah donation hmuh a ni lova. Mizo zawng zawng huapa sak anih avang erawh chuan Zoram chhungah donation hi khawn a ni a, Rs. 1,50,000/- zet hmuh a ni.

 FOUNDATION :- Kum 1996 khan Temple lungphum hi phum a ni. He lungphum phum ni hian kan sak chhan Lai Isua kraws ropuina tur a nih zia te, michanhai te, societya hmun nei lova inhria zawng zawngte pawhin Eden natna tidamtu hmel an hmuhna hmun tur a nihzia te puan a ni.

 
HMASAWNNA :- Tunah hian hna hi a chanve aia tam thawh zawh tawh a ni a. Heti chung pawh hian nitin mai Temple hian tlawhtu a nei reng a. Mizoramah chuan khualzin ten an tlawh thin zingah, hmun hmingthang ber pawl a ni chho ta. Khualzinte hi Mizoram pawn leh chhung a mite an ni ber.

 

 

 

 

By | 2011-07-19T09:47:49+00:00 July 19th, 2011|Categories: Uncategorized|Comments Off on Temple Ruangam

About the Author: