This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

This Is A Custom Widget

This Sliding Bar can be switched on or off in theme options, and can take any widget you throw at it or even fill it with your custom HTML Code. Its perfect for grabbing the attention of your viewers. Choose between 1, 2, 3 or 4 columns, set the background color, widget divider color, activate transparency, a top border or fully disable it on desktop and mobile.

Temple Dinthar Lehna

//Temple Dinthar Lehna

Temple Dinthar Lehna

SOLOMONA TEMPLE DIN THAR LEHNA

 
A lo intan dan:- Solomon’s Temple lo pian chhuahna bul chu Davida thinlungah a ni. A mite zinga Pathian a chenzia lantirtu ber thuthleng bawm an dahna puan in chu, Davida mitah tlawm lutukin a lang a. Chutiang dahna phu khawpa tha Temple sak chu a chak ta hliah hliah mai a ni (2 Samuela 7:1-3). Chutiang taka Temple sak chakna thinlung chuan Lal Davida thinlung robawm bakah, a ropuina lal robawm a su hawng ta a. Israel hnam puipate zawng zawng thinlung pawhin ui reng an nei ta bik lo. Lunghlu leh rangkachak chenin Lalpa Pathian In sak nan an hian ta ruih ruih mai a ni, (I Chron. 29:6-9).

 Inbuatsaihna :- Davida kaltlangin Pathianin chu In ruangam chu a din a, a hmanrua turte a la khawm a. Chu In chu mihring tan a ni lo va, Lalpa tan a ni si a. Lal Davida chuan rangkachak te, silver te, lunghlu te, lungmawi chi hrang hrang nen a la khawm ta ruih ruih mai a nih chu,(I Chron. 20:11-19; 29:1-5). Lal hnenah Pathian a cheng:- Davida thinlunga Lalpa tanna chuan Pathian thinlung a tihlawm miau avangin, Pathian pawhin Davida chakna leh ropuina chu a tisang a, a chheh vel lalte zawng zawng a kutah a pe a. Chung lalho te atanga rallak sum a hawn leh chhiah an pek khawmte chu a tam khawp a, Temple sakna daih bakah pawh lal chuan a hausak phah ta hnawk a ni, ( 2 Samuela 8:6-14).


Thilpek :- Miten khawn lohva thil thlawn an pek pawhin Lal chu namen lovin hlimna a pe a (I Chron. 29:6-9). Chutianga thil rawn hlantute chu Pathian malsawmnain a rawn vur let chiam a. Pe ve duh lo lalte chu an zalenna thlenga chhuhsakin an awm ta thung. Lei leh a chhunga thilawm zawng zawng hi Lalpa ta a ni si a ( Sam 24:1).

 
Temple puahtu :- Pathianin Lal Solomona kaltlangin In chu a sa ta a. Pathian duh dan ang thlapin a sa a ni. Mirawih chi hrang hrang, thiamna bik neite nen In chu an puah a, kum 7 chhung lekin an sa zo ta a (Lalte 6:37-38).

 
Pathian inlarna :- Temple hawn ni chuan, Pathian ropuinain chu In chu a luah khat vek a,( I Lalte 8:11). Pathian ngeiin, “Chutah chuan ka hming kumkhuaa a awm theihna turin he In hi ka ruat a, ka ti thianghlim tawh a ni; chutah chuan ka mit leh thinlung a awm kumkhua tawh ang,” ( 2 Chron. 7:16) a ti a.

 SOLOMONA TEMPLE HMUNA TEMPLE DANG DING TAWH TE

           Juda ram Governor Zerubbabela hun lai, lehkhaziaktu Ezra hun lai kan tithei bawk ang chu, hetih hun lai hian Jerusalem Temple tundin leh a ni a, chu chu Lal Nebukadnezara’n a tichhia a, chu mi hnuah Persia ram sawrkar hausakna leh mipui thawhkhawmin sak leh a ni a (Ezra 6:4; 7:21-23; 8:24-27). Chu mi hnuah Heroda liana khan Judate tihlawm nan a sa leh a. Chu Heroda Temple chu Lal Isuan “Suamhmangte Puk” a vuah a (Luka 19:46). Chu Heroda Temple (Jerusalem temple) ngei pawh chu AD 70-ah General Tita’n a chhu chhe leh vek a ni. Tunah hian Solomona Temple hmunah ngei khan Mosolman temple “Dome of Rock” a ding luaha, a langsar phian mai.

 
JERUSALEM TEMPLE SAK THAR A NI ANG

 
          Matthaia 24:15 na kan chhiar chuan Dome of Rock dinna hmun ngeiah hian Jerusalem Temple hi din ala ni ang a, chu Temple chhung hmun thianghlimah ngei chuan titiautu tenawm ala ding dawn a ni. “Chutichuan titiautu tenawm, zawlnei Daniala sawi kha hmun thianghlima dinga in hmuh hunah chuan (a chhiar apiangin a awmzia hre rawh se).” a ti a ni. Indopui Ill-na lo thleng tur Thupuana kan hmuh, darthlalang mei nena inpawlh tuifinriat (Nuclear war) chuan he Dome of Rock ngei pawh hi a tichhe dawn a, Israel sorkarin chak laksa diam tawh hmangin Temple chu an sa ang, (Thup 15:2).

 
          Engtinnge titiautu tenawm, zawlnei Daniala sawi hi chu hmunah chuan a din theih ? Zawlnei Isaia lo sawilawk angin Israel sorkar hian thu a lo thlunpui vang a ni, (Isaia 28:15). Hei vang hian a ni kan ram ngeiah Solomona Temple hi sa tura Lalpan thu min pek. He Temple-ah hi chuan Zawlnei Daniala sawi titiautu tenawm hi chu a ding ve dawn hauh si lo va. “Lalpa i Pathian chu i thinlung zawng zawngin, i rilru zawng zawngin, i thlarau zawng zawngin i hmangaih tur a ni,” tih hi he Temple-ah hi chuan a ding reng zawk ang.

 
SOLOMONA TEMPLE DINTHAR LEHNA


          2 Chron. 7:19-20 kan chhiar chuan, Pathianin Solomona hnenah ti hian a lo sawi tawh a, “Amaherawhchu in hmaa ka zam, ka dante leh ka thupekte in hawisana, pathian dangte rawng inbawl a, inbiak chuan, anmahni ka pek ram ata hi ka tiboral hlauh ang a. Tin, he In ka hming atana ka tihthianghlim tawh sa hi ka mithmuh phaklohvah ka sawn bo daih anga, hnamtin zinga tihelna leh a chhe lama tehkhinnaah ka siam ang,” a lo tilawk diam tawh reng a. Israel hnam chu hnam luhlul tak an nih avangin an chunga Pathian thupek hi an pawisa lova (Eze.8:5-6; 9-12;14-18) “Lalpa ropuina chu inpui kawngka chung atang chuan a chhuak a,” (Eze. 10:19) tih thu lungchhiatthlak tak hi Israel chanvo chu a lo ni ta reng mai le ! A lenlai ni khan Israel hnam hnenah Lal Isuan, “Pathian ram hi inhnen ata laksak a ni ang a, (Mat.21:43) tia a sawi ang khan. Temple Hmun Thar : Chutia ropuina Pathianin Israel rama Temple chu a lo hnawl takah chuan khawi hmun nge a thlan tak ang le ? Zawlnei Mika chuan “Aw nang, ranrual kulh, Zion fanu awmna tlang, I hnenah a lo thleng ang; a ni, lalna hmasa chu a lo thleng ang, Jerusalem fanu lalna chu, “(Mika 4:8) tiin a lo sawi tawh a. Zawlnei Isaia pawhin, “Tichuan anni chu, Mithianghlimho, Lalpa tlante an nti ang a, nang chu zawn chhuah kalsan loh khawpui an ti ang che,”a lo tilawk diam tawh a ni (Isaia 62:12). Chu hmun chu khawchhak lamah tiin zawlnei chuan min kawhhmuh nghal a, (Isaia 24:15).

 
          Kum 2000 dawn lai a lo ni ta, ringtuten Temple te, Cathedral te, Biak In te an lo sa theuh tawh a, mahse Solomona Temple han vuah tlak em chu ala ding lo a ni ang. Tunah erawh chuan zawlneite lo sawi chu hmuhchhuahin alo awm ta ! A hmun chu India ram chhung, Mizoram State khawpui Aizawl tlak lamah a ni a. He state pumpuia mi cheng, Mizo hnahthlak hi Kristiana inchhiar vek an ni. Pathian remtihna ngeiin, Kohhran Thianghlim chuan a sa tan ta a ni. Krista thisen hlua piangte hnenah Pathian ngei chu a cheng tih hriatna hlu tak a ni ang a, Thlanten kan Lalpa leh Chhandamtu, kan hmangaih atana Temple thianghlim chu kan sa tan ta a, a hmun hming pawh Kidron Valley a ni. Aw Lalpa, kan Lalpa, lei chung zawng zawngah hian i hming hi ava tha em ! Amen, lokal ta che, Lalpa Isu !

 

 

 

By | 2011-07-19T09:47:49+00:00 July 19th, 2011|Categories: Uncategorized|Comments Off on Temple Dinthar Lehna

About the Author: